ലോക് ഡൗൺ വിരസതയകറ്റാൻ വീട്ടിൽ ഫോട്ടോ ഷൂട്ട് നടത്തിയ അനുശ്രീക്ക് വിമർശനവുമായി യുവതി. നാടൻ വേഷങ്ങൾ ചെയ്യുന്ന അനുശ്രീ മോഡേൺ വേഷത്തിൽ ഫോട്ടോ ഷൂട്ട് നടത്തിയതാണ് യുവതിയെ ചൊടിപ്പിച്ചത്. എന്നാൽ യുവതിക്ക് ഉരുളക്കുപ്പേരി പോലെ മറുപടികൊടുത്തിരിക്കുകയാണ് താരം.
ഈ വസ്ത്രം മഹാ ബോറാണെന്ന് ആയിരുന്നു യുവതിയുടെ കമന്റ്. അതിന് അനുശ്രീ നൽകിയ മറുപടി ഇങ്ങനെ.. താങ്കൾ നല്ല വസ്ത്രം ധരിച്ചോളൂ. അനുശ്രീയുടെ മറുപടിയിൽ വന്നതോടെ അവർ ഇങ്ങനെ കുറിച്ചു. ചേച്ചി നിങ്ങളെ ഇങ്ങനെയുള്ള വസ്ത്രത്തിൽ കണ്ടിട്ടില്ല അതുകൊണ്ടു പറഞ്ഞതാ. ചേച്ചിയെ എനിക്ക് ഒരുപാട് ഇഷ്ടമാണ്. പക്ഷേ ഇങ്ങനെ കണ്ടപ്പോൾ ഇഷ്ടമായില്ല. യുവതിക്ക് വീണ്ടും മറുപടിയുമായി അനുശ്രീയെത്തി, എപ്പോഴും പരമ്പരാഗത വസ്ത്രങ്ങൾ ധരിച്ചാൽ മാത്രം പറ്റില്ലല്ലോ. ഞാൻ ചെയ്ത കഥാപാത്രങ്ങൾ കാരണം നിങ്ങൾക്ക് അങ്ങനെ തോന്നുന്നതാ. പക്ഷേ എപ്പോഴും അങ്ങനെ പറ്റില്ല. അതുകൊണ്ടാണ് ഞാൻ അങ്ങനെ പറഞ്ഞത്.
അനുശ്രീയെ പിന്തുണച്ചും ഒട്ടനവധി പേർ രംഗത്ത് വന്നിട്ടുണ്ട്. വസ്ത്രധാരണം തികച്ചും വ്യക്തിപരമാണെന്നും മറ്റൊരാളുടെ സ്വാതന്ത്ര്യത്തിൽ ഇടപെടാൻ ആർക്കും അവകാശമില്ലെന്നും അവർ കുറിച്ചു. ലോക്ക് ഡൗൺ കാലത്തെ വിശേഷങ്ങളും മറ്റും താരം ആരാധകരുമായി നിരന്തരം പങ്കുവയ്ക്കാറുണ്ട്. അതിനിടെയാണ് ഫോട്ടോഷൂട്ടും പങ്കുവച്ചത്. ചിത്രത്തോടൊപ്പം പങ്കുവച്ച ക്യാപ്ഷനായിരുന്നു ഫോട്ടോഷൂട്ടിന് ഹൈലൈറ്റ്.
ലോക്ക് ഡൌൺ സമയത്ത് വീട്ടുവളപ്പിൽ ഒരു കമുകുഞ്ചേരി മോഡൽ ഫോട്ടോഷൂട്ട് . ഫോട്ടോ എടുത്തത് മഹേഷ് ഭായി, ലെമൺ ജ്യൂസിന് കടപ്പാട് അമ്മ, മേൽനോട്ടം അച്ഛൻ, ബാക്ക്ഗ്രൗണ്ടിലുള്ള വാഹനം സെറ്റ് ചെയ്തത് സഹോദരൻ അനൂപ്, അസിസ്റ്ററ്റ് ചേട്ടത്തിയമ്മ, പിന്നണിയിലെ ചീത്ത വിളികൾ അമ്മൂമ്മ, സുരക്ഷാ മേൽനോട്ടം പട്ടിക്കുട്ടി ജൂലി; ഇതാണ് ഫോട്ടോയ്ക്ക് നൽകിയിരിക്കുന്ന അടിക്കുറിപ്പ്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: