ന്യൂയോർക്ക്: ശാസ്ത്ര ലോകത്തിന് ആകാംക്ഷയായി വീണ്ടും ചിന്ന ഗ്രഹം. ഈ മാസം 29നാണ് ചിന്ന ഗ്രഹം ഭൂമിയുടെ സമീപത്തുകൂടി കടന്നു പോകുന്നത്. നിലവിൽ കൂട്ടിയിടിക്ക് സാധ്യതയില്ലെന്ന് നാസ അറിയിച്ചതോടെ ചിന്ന ഗ്രഹത്തിന്‍റെ സഞ്ചാരം കാണാനുള്ള കാത്തിരിപ്പിലാണ് ലോകം. 1998 ഓ ആര്‍ ടു എന്നാണ് ഛിന്നഗ്രഹത്തിന് പേര് നല്‍കിയിരിക്കുന്നത്. ചെറിയ ടെലിസ്കോപ് ഉപയോഗിച്ച് ഈ ഛിന്നഗ്രഹത്തിന്‍റെ കടന്നുപോക്ക് അറിയാന്‍ കഴിയുമെന്നാണ് നാസ വിശദമാക്കുന്നത്.
ഭൂമിയില്‍ നിന്ന് 6.2 മില്യണ്‍ കിലോമീറ്റര്‍ അകലെയായാണ് 1998 ഓ ആർ ടു വിന്‍റെ സഞ്ചാര പഥം. കാലാവസ്ഥ അനുകൂലമായാല്‍ ആറ് ഇഞ്ച് ടെലിസ്കോപില്‍ ഈ ഛിന്നഗ്രഹം ദൃശ്യമാകും. നിരവധി ശാസ്ത്ര സംഘടനകളാണ് ഈ ഛിന്നഗ്രഹത്തിന്‍റെ യാത്ര കാണാനുള്ള അവസരം കാത്തിരിക്കുന്നത്. ശാസ്ത്ര കുതുകികളായ നിരവധിപ്പേരാണ് തനിച്ചും സംഘമായും ഇതിനായുള്ള സംവിധാനങ്ങള്‍ അന്തര്‍ദേശീയ തലത്തില്‍ ഒരുക്കുന്നത്. മണിക്കൂറില്‍ 40000 മൈല്‍ വേഗതയാണ് ഈ ഛിന്നഗ്രഹത്തിനുള്ളതെന്നാണ് നാസ അവകാശപ്പെടുന്നത്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: