കൊച്ചി: മലയാളികളുടെ മനസ് കവർന്ന നടിയാണ് സ്വാതി റെഡ്‌ഡി. എന്നാൽ താരം വിവാഹ മോചിതയാകുന്നുവെന്ന വാർത്ത അടുത്തിടെ പ്രചരിച്ചിരുന്നു. ഇൻസ്റ്റഗ്രാമിൽ നിന്നും ഭർത്താവ് വികാസിനൊപ്പമുള്ള ചിത്രം മാറ്റിയതോടെയാണ് ഇത്തരം ഒരു വാർത്ത പ്രചരിച്ചത്. എന്നാൽ സംഭവത്തിൽ വിശദീകരണവുമായി സ്വാതി തന്നെ രംഗത്തെത്തിയിരിക്കുകയാണ്. തൻ്റെ ഇൻസ്റ്റാഗ്രാം അക്കൗണ്ടിന്‍റെ വീഡിയോ പങ്കുവെച്ചാണ് താരം പ്രചാരങ്ങൾക്ക് മറുപടി നൽകുന്നത്.
വികാസിനൊപ്പമുള്ള ചിത്രങ്ങളെല്ലാം അക്കൗണ്ടിൽ ആർക്കവ് ചെയ്‌ത്‌ വച്ചിരിക്കുന്നത് കാണാം. 2012ൽ ഇൻസ്റ്റഗ്രാമിൽ ആദ്യം അപ്‌ലോഡ് ചെയ്‌ത്‌ ഫോട്ടോ വരെ ഇത്തരത്തിൽ ആർകൈവ് ചെയ്‌തിട്ടുണ്ട്‌. "ഹാരിപോര്‍ട്ടര്‍" സിനിമയിലെ ഹാരിപോര്‍ട്ടറും ഡോബിയുമായുള്ള സംഭാഷണ ശകലമാണ് വീഡിയോയ്ക്ക് അടിക്കുറിപ്പായി താരം കുറിച്ചിരിക്കുന്നത്.
2018 സെപ്റ്റംബർ ഒന്നിനാണ് സ്വാതിയും പൈലറ്റായ വികാസും വിവാഹിതയാകുന്നത്. മലേഷ്യൻ എയർവോയ്‌സിലാണ് വികാസ് ജോലി ചെയ്യുന്നത്. ജക്കാര്‍ത്തയിലാണ് സ്ഥിരതാമസം. ഹൈദരാബാദില്‍ വച്ചാണ് വിവാഹചടങ്ങുകള്‍ നടന്നത്. ഇന്ത്യന്‍ നേവിയില്‍ ഉദ്യോഗസ്ഥനായിരുന്നു സ്വാതിയുടെ അച്ഛന്‍ ശിവരാമ കൃഷ്‌ണ. റഷ്യയിലാണ് സ്വെറ്റ്ലാന എന്ന സ്വാതി ജനിച്ചത്. വിശാഖപട്ടണത്തും മുംബൈയിലുമായിരുന്നു ബാല്യകാലം ചെലവിട്ടത്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: