ഇടുക്കി: ആൾക്കൂട്ടം ഒഴിവാക്കാൻ സമ്പൂർണ അടച്ചുപൂട്ടൽ പ്രഖ്യാപിച്ച മൂന്നാറിൽ ഉത്സവ ത്തിരക്ക്. ഇന്ന് ഉച്ചക്ക് രണ്ട് മുതൽ ഏഴ് ദിവസത്തേക്കാണ് മൂന്നാറിൽ ദേവികുളം സബ് കലക്ടർ സമ്പൂർണ അടച്ചുപൂട്ടൽ പ്രഖ്യാപിച്ചത്. എന്നാൽ ഇന്ന് രാവിലെ മുതൽ ടൗണിൽ ആളുകൾ കൂട്ടത്തോടെ ഇറങ്ങുന്ന കാഴ്ച്ചയായിരുന്നു. കച്ചവടസ്ഥാപനങ്ങൾക്ക് പൂർണമായി പൂട്ടുവീഴുമെന്നത് മുന്നില് കണ്ടാണ് ആവശ്യസാധനങ്ങൾ വാങ്ങുന്നതിന് തൊഴിലാളികൾ ടൗണിൽ തടിച്ചുകൂടിയത്.
രാവിലെ 10ന് വ്യാപാരസ്ഥാപനങ്ങൾ തുറക്കുന്നതെങ്കിലും ഒമ്പതിന് തന്നെ ടൗണിൽ ജനങ്ങൾ തടിച്ചു കൂടി. മൂന്നാർ പച്ചക്കറി മാർക്കറ്റിന് മുൻവശത്തെ ക്യൂ ടാക്സി സ്റ്റാന്റുവരെ നീണ്ടു. മാട്ടുപ്പെട്ടി കവലയിലെ സൂപ്പർമാർക്കറ്റുകളിലും മറിച്ചല്ലായിരുന്നു സ്ഥിതി. ജനകൂട്ടം നിയന്ത്രണതീതമായി വർദ്ധിച്ചത് പൊലീസിന് തലവേദന സൃഷ്ടിച്ചു. സർക്കാർ നിർദ്ദേശിച്ച നിശ്ചിത അകലം പാലിക്കുന്നതിന് പലരും തയാറായില്ല.
നിരോധനാജ്ഞ ലംഘിച്ച് ആളുകള് നിരത്തില് ഇറങ്ങുന്നത് പതിവായതോടെയാണ് മൂന്നാറില് സമ്പൂര്ണ ലോക്ക്ഡൗണ് പ്രഖ്യാപിച്ചത്. പെട്രോള് പമ്പ്, മെഡിക്കല് സ്റ്റോര് എന്നിവ മാത്രമായിരിക്കും ഇനി തുറന്ന് പ്രവര്ത്തിക്കുക. കുട്ടികള് പുറത്തിറങ്ങിയാല് മാതാപിതാക്കള്ക്കെതിരെ കേസ് എടുക്കുമെന്നും മുന്നറിയിപ്പ് നല്കിയിട്ടുണ്ട്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: