താനെ: അവിഹിത ബന്ധമുണ്ടെന്ന് സംശയിച്ച് ഭർത്താവ് ഭാര്യയെ ഷൂ ലൈസ് കൊണ്ട് കഴുത്തു മുറുക്കി കൊന്നു. മഹാരാഷ്ട്രയിലെ താനെയിലാണ് സംഭവം. ഉല്ലാസ് നഗറിൽ താമസിക്കുന്ന സൂരജ് ആനന്ദ് (26) ആണ് ഭാര്യ സുശീലയെ (25) കൊലപ്പെടുത്തിയത്. കൊലപാതകത്തിന് ശേഷം തെളിവ് നശിപ്പിക്കാനായി മൃതദേഹം മണ്ണെണ്ണയൊഴിച്ച് കത്തിക്കുകയും ചെയ്തു. ഹോട്ടലിലെ വെയിറ്ററായിരുന്നു സൂരജ്.
ഭാര്യക്ക് രഹസ്യ ബന്ധമുണ്ടെന്ന് സംശയിച്ച സൂരജ് ഇക്കാര്യത്തിൽ ഇവരുമായി വഴക്കിടുന്നത് പതിവായിരുന്നു. സമാനമായ വഴക്കിനിടയിൽ സൂരജ് ഷൂലൈസ് കൊണ്ട് സുശീലയുടെ കഴുത്തിയിൽ മുറുക്കി കൊല്ലുകയായിരുന്നു.
പോസ്റ്റുമോർട്ടം റിപ്പോർട്ട് പുറത്തു വന്നതോടെയാണ് കൊലപാതകത്തെ കുറിച്ചുള്ള സൂചന ലഭിച്ചത്. കത്തിക്കരിയുന്നതിന് മുമ്പ് തന്നെ മരണം സംഭവിച്ചതായി പോസ്റ്റുമോർട്ടം റിപ്പോർട്ടിൽ വ്യക്തമായിരുന്നു. തുടർന്ന് കൊലപാതകത്തിനും തെളിവ് നശിപ്പിച്ചതിനും പൊലീസ് കേസ് രജിസ്റ്റർ ചെയ്തു.
അതേസമയം, യുവതിയെ കുറിച്ചുള്ള വിവരങ്ങൾ കണ്ടെത്താനും പൊലീസ് സമയമെടുത്തിരുന്നു. സൂരജും സുശീലയും അടുത്തിടെയായിരുന്നു പുതിയ വീട്ടിലേക്ക് താമസം മാറിയത്. അയൽവാസികളുമായി ഇവർക്ക് അടുപ്പമുണ്ടായിരുന്നില്ല. ഏറെ അന്വേഷണങ്ങൾക്കൊടുവിലാണ് സൂരജിനെ കുറിച്ചുള്ള സൂചന ലഭിച്ചത്.
അയൽവാസിയായ സ്ത്രീയാണ് സൂരജിന്‍റെ നമ്പർ പൊലീസിന് കൈമാറിയത്. ബദ് ലാപൂരിൽ നിന്നും കംഗർനഗറിലേക്ക് പോവുകയായിരുന്ന സൂരജിനെ പൊലീസ് പിടികൂടുകയായിരുന്നു. ചോദ്യം ചെയ്യലിൽ ഇയാൾ കുറ്റം സമ്മതിക്കുകയും ചെയ്തു. മൃതദേഹം തിരിച്ചറിയാതിരിക്കാനാണ് കൊലപാതകത്തിന് ശേഷം മണ്ണെണ്ണയൊഴിച്ച് കത്തിച്ചതെന്നാണ് ഇയാൾ പൊലീസിനോട് പറഞ്ഞത്.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/K1qDeudCPifDXl43GW7kbz
യൂണിഫോം ധരിച്ചില്ല; പെൺകുട്ടികളോട് വസ്ത്രം അഴിക്കാൻ ആവശ്യപ്പെട്ട് പ്രിൻസിപ്പൽ
ഭോപ്പാൽ: യൂണിഫോം ധരിക്കാതെ സ്‌കൂളിൽ വന്ന പെൺകുട്ടികളോട് വസ്ത്രമഴിക്കാൻ ആവശ്യപ്പെട്ട പ്രിൻസിപ്പലിനെതിരെ കേസ്. മധ്യപ്രദേശിലെ മച്ചാൽപുരിലാണ് സംഭവം. മൂന്ന് പെൺകുട്ടികളാണ് പ്രിൻസിപ്പലിനെതിരെ പരാതി നൽകിയത്. രാജ്ഗഡ് സർക്കാർ ഹയർസെക്കൻഡറി സ്കൂൾ പ്രിൻസിപ്പൽ രാധേശ്യാം മാളവ്യക്കെതിരെയാണ് പൊലീസ് കേസെടുത്തിരിക്കുന്നത്.
പെണ്‍കുട്ടികളുടെ വസ്ത്രധാരണരീതി ആണ്‍കുട്ടികളെ നശിപ്പിക്കുന്നുവെന്നാരോപിച്ചാണ് ഇയാള്‍ പെണ്‍കുട്ടികളോട് വസ്ത്രം അഴിയ്ക്കാന്‍ പറഞ്ഞത്. യൂണിഫോം തയ്ച്ചു കിട്ടാത്തിനാലാണ് ഇടാത്തത് എന്ന് പെണ്‍കുട്ടികള്‍ പറഞ്ഞെങ്കിലും ഇയാള്‍ ചെവിക്കൊണ്ടില്ല.
പെണ്‍കുട്ടികളോട് ദേഷ്യപ്പെട്ട് വസ്ത്രം അഴിയ്ക്കാന്‍ പറയുന്ന ദൃശ്യങ്ങള്‍ സോഷ്യല്‍മീഡിയയില്‍ പ്രചരിച്ചു. പോക്‌സോ ഉള്‍പ്പെടെയുള്ള വകുപ്പുകള്‍ ചുമത്തിയാണ് ഇയാള്‍ക്കെതിരെ കേസെടുത്തതെന്ന് പൊലീസ് അറിയിച്ചു. ഇയാള്‍ ഒളിവിലാണ്.
Post A Comment: