തുരങ്കത്തിൽ ടേക്ക് ഓഫ്; ഇരട്ട തുരങ്കത്തിലൂടെ വിമാനം പറത്തി പൈലറ്റിന്‍റെ സാഹസികത; വീഡിയോ

ഇസ്‌താംബൂൾ: സാഹസിക പ്രകടനങ്ങൾ നടത്തി റെക്കോർഡ് നേടുന്നവർ നിരവധിയാണ്. എന്നാൽ റെഡ് ബുൾ സ്റ്റണ്ട് പൈലറ്റ് ഡാരിയോ കോസ്റ്റ ഗിന്നസ് ബുക്കിൽ ഇടം നേടിയത് അതിസാഹസികമായ ഒരു കാര്യത്തിലൂടെയാണ്.  

രണ്ട് തുരങ്കൾക്കുള്ളിലൂടെയാണ് ഡാരിയോ വിമാനം പറത്തിയത്. തുർക്കിയിലെ ഇസ്‌താംബൂളിലാണ് സംഭവം. ഇതോടെ ഇരട്ട തുരങ്കത്തിലൂടെ ഏറ്റവും കൂടുതൽ ദൂരം വിമാനം പറത്തിയതിനുള്ള ഗിന്നസ് റെക്കോർഡാണ് ഡാരിയോ സ്വന്തമാക്കിയത്. 

2.6 കിലോമീറ്റർ ദൈർഘ്യമാണ് രണ്ട് തുരങ്കങ്ങൾക്കും കൂടി ഉള്ളത്. ശരാശരി 245.07 കിലോമീറ്റർ വേഗത്തിലാണ് ഡാരിയോ ചെറുവിമാനം തുരങ്കത്തിലൂടെ പായിച്ചത്. തുരങ്കത്തിൽ തന്നെയാണ് വിമാനം ടേക്ക് ഓഫ് ചെയ്യുന്നതും. തുരങ്കത്തിൽ ടേക്ക് ഓഫ് ചെയ്യുന്ന ആദ്യ വിമാനമെന്ന റെക്കോർഡും ഡാരിയോ സ്വന്തമാക്കിയിട്ടുണ്ട്. റെഡ് ബുൾ പുറത്തുവിട്ട വീഡിയോ മിനിറ്റുകൾക്കകം വൈറലായി. ലക്ഷക്കണക്കിനാളുകളാണ് വീഡിയോ കണ്ടത്.

   

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/CftBWraX7N17TxFnLpyzcJ

സ്ത്രീകളുടെ 700ലധികം അടിവസ്ത്രങ്ങൾ മോഷ്‌ടിച്ചു; 56 കാരൻ അറസ്റ്റിൽ

സ്ത്രീകളുടെ അടിവസ്ത്രം മോഷ്‌ടിക്കുന്ന ഞരമ്പ് രോഗികളുടെ വാർത്തകൾ നമ്മുടെ നാട്ടിൽ സാധാരണമാണ്. എന്നാൽ തെക്കൻ ജാപ്പനീസ് നഗരമായ ബെപുവിലുണ്ടായ ഒരു സംഭവം ലോകത്തെ തന്നെ ഞെട്ടിച്ചിരിക്കുകയാണ്. ഇവിടെ ഒരാളുടെ അപ്പാർട്ട്മെന്‍റിൽ കണ്ടെത്തിയത് 700 ലധികം സ്ത്രീകളുടെ അടിവസ്ത്രങ്ങളാണ്. മോഷ്‌ടിച്ച അടിവസ്ത്രങ്ങൾ തന്‍റെ അപ്പാർട്ടമെന്‍റിൽ സുരക്ഷിതമായി സൂക്ഷിക്കുകയും ചെയ്‌തു. 

വിവിധ അലക്കുശാലകളിൽ നിന്നാണ് ഇയാൾ സ്ത്രീകളുടെ അടിവസ്ത്രം തിരഞ്ഞുപിടിച്ച് മോഷ്‌ടിച്ചത്. ടെറ്റ്സുവോ യുറാത്ത (56) എന്നയാളാണ് സംഭവത്തിൽ അറസ്റ്റിലായിരുക്കുന്നത്. പ്രാദേശിക ഔട്ട്ലെറ്റ് അബേമാ ടിവിയാണ് റിപ്പോർട്ട് പുറത്തുവിട്ടത്. 

ഓഗസ്റ്റ് 24 ന് അലക്കുശാലയിൽ നിന്ന് തന്‍റെ ആറ് ജോഡി അടിവസ്ത്രങ്ങൾ മോഷ്ടിച്ചുവെന്ന് ആരോപിച്ച് 21 -കാരിയായ ഒരു കോളെജ് വിദ്യാർത്ഥിനിയാണ് പൊലീസിനെ ആദ്യം വിവരം അറിയിച്ചത്. തുടർന്ന്, ഒരു ബെപ്പു പൊലീസ് ഉദ്യോഗസ്ഥൻ യുറാത്തയുടെ അപ്പാർട്ട്മെന്‍റിൽ തിരയുകയും 730 സ്ത്രീകളുടെ അടിവസ്ത്രങ്ങൾ സൂക്ഷിച്ചിരുന്നതായി കണ്ടെത്തുകയും ചെയ്‌തു. പൊലീസ് ഇവ കണ്ടുകെട്ടി. അവർ അന്വേഷണം തുടരുകയാണെന്ന് അബേമാ ടിവി റിപ്പോർട്ട് ചെയ്‌തു. 

മോഷണ കുറ്റം പ്രതി സമ്മതിച്ചിട്ടുണ്ട്. ഇത്രയും വലിയ പാന്‍റീസ് ശേഖരം തങ്ങൾ കണ്ടുകെട്ടിയിട്ടില്ലെന്ന് ബെപ്പു സിറ്റി പൊലീസ് വക്താവ് അബേമാ ടിവിയോട് പറഞ്ഞു. കഴിഞ്ഞ മാർച്ചിൽ ജപ്പാനിൽ തന്നെ 30 വയസുള്ള ഒരു ഇലക്ട്രീഷ്യൻ കൗമാരക്കാരായ പെൺകുട്ടികളുടെ 400 -ലധികം അടിവസ്ത്രങ്ങളും നീന്തൽ വസ്ത്രങ്ങളും മോഷ്ടിച്ചതായി ആരോപിക്കപ്പെട്ടിരുന്നു.