വയറുവേദന; 57 കാരന്‍റെ വയറ്റിൽ കണ്ടെത്തിയത് 187 നാണയത്തുട്ടുകൾ

ന്യൂഡെൽഹി: വയറുവേദനയ്ക്ക് ചികിത്സ തേടിയെത്തിയ 57 കാരന്‍റെ വയറ്റിൽ കണ്ടെത്തിയത് 187 നാണയത്തുട്ടുകൾ. കർണാടകയിലെ ബാഗൽകോട്ടിലെ ഹനഗൽ ശ്രീ കുമാരേശ്വർ ആശുപത്രിയിലാണ് ശസ്ത്രക്രിയ നടന്നത്. 

വയറുവേദന, ശർദി തുടങ്ങിയ രോഗങ്ങളുമായിട്ടാണ് ഇയാൾ ആശുപത്രിയിലെത്തിയത്. മാനസിക വെല്ലുവിളി നേരിടുന്ന ഇയാൾക്ക് നാണം വിഴുങ്ങുന്ന ശീലമുണ്ടായിരുന്നു.  

എൻഡോസ്‌കോപ്പിയിലാണ് വയറിനുള്ളിൽ നാണയങ്ങൾ ഉള്ളതായി കണ്ടെത്തിയത്. തുടർന്ന് ശസ്ത്രക്രിയ നടത്തുകയായിരുന്നു. രണ്ട് മാസത്തിനിടെയാണ് ഇത്രയും നാണയങ്ങൾ ഇയാൾ വിഴുങ്ങിയതെന്ന് ഡോ. ഈശ്വർ കലബുർഗി പറഞ്ഞു. 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/KxwQkuDFdXP0KRUrdgxDi5

17 കാരിയെ പീഡിപ്പിച്ചു; അഞ്ച് സഹപാഠികൾക്കെതിരെ കേസ് 

ഹൈദ്രാബാദ്: സഹപാഠിയായ 17 കാരിയെ പീഡിപ്പിച്ച അഞ്ച് ആൺകുട്ടികൾ കസ്റ്റഡിയിൽ. 9,10 ക്ലാസുകളിൽ പഠിക്കുന്നവരാണ് ഇരയും പ്രതികളും. ഇവർ സുഹൃത്തുക്കളാണെന്നും പൊലീസ് അറിയിച്ചു. 

ഓഗസ്റ്റിലാണ് സംഭവം നടന്നത്. കുടുംബാംഗങ്ങൾ ഇല്ലാതിരുന്ന സമയത്ത് വീട്ടിലെത്തിയ ഇവർ ഭീഷണിപ്പെടുത്തി പീഡിപ്പിക്കുകയായിരുന്നു. പീഡനം റെക്കോർഡ് ചെയ്യുകയും ചെയ്‌തു. 10 ദിവസത്തിന് ശേഷം പ്രതികളിലൊരാൾ മറ്റൊരു ആൺകുട്ടിയുമായി എത്തി വീണ്ടും പെൺകുട്ടിയെ പീഡിപ്പിച്ചു. വീഡിയോ വാട്ട്‌സ്ആപ്പിൽ ഷെയർ ചെയ്തതോടെയാണ് പെൺകുട്ടി സംഭവത്തെക്കുറിച്ച് മാതാപിതാക്കളോട് പറഞ്ഞത്. തുടർന്ന് ഹയത്‌നഗർ പൊലീസ് സ്‌റ്റേഷനിലെത്തി ആൺകുട്ടികൾക്കെതിരെ പരാതി നൽകുകയായിരുന്നു.

പരാതിയുടെ അടിസ്ഥാനത്തിൽ  പോക്‌സോ നിയമം, ഐടി ആക്‌ട് എന്നിവ പ്രകാരം കേസെടുത്തതായും അന്വേഷണത്തിനിടെ അഞ്ചുപേരെയും കസ്റ്റഡിയിലെടുത്തതായും പൊലീസ് അറിയിച്ചു. തുടർനടപടികൾക്കായി കുട്ടികളെ ജുവനൈൽ ജസ്റ്റിസ് ബോർഡിന് മുന്നിൽ ഹാജരാക്കിയതായും പൊലീസ് പറഞ്ഞു.