ബംഗളൂരു: നാലാമതും പെൺകുഞ്ഞ് ജനിച്ചതിനെ തുടർന്ന് യുവാവ് ജീവനൊടുക്കി. ബംഗളൂരിൽ നിന്നും 90 കിലോമീറ്റർ അകലെ സെറ്റിഹള്ളിയിലാണ് സംഭവം നടന്നത്. മൂന്നു തവണയും ഭാര്യ പെൺകുഞ്ഞിനെയാണ് പ്രസവിച്ചത്.
നാലാമത് ഭാര്യ ഗർഭിണിയായതോടെ സന്തോഷവാനായ ഇയാൾ ഇത് ഒരു പെൺകുഞ്ഞാണെന്ന് സുഹൃത്തുക്കളോട് പറഞ്ഞിരുന്നു. എന്നാൽ നാലാമതും തനിക്ക് പെണ്‍കുഞ്ഞ് തന്നെയാണ് പിറന്നത് എന്ന വാര്‍ത്ത അറിഞ്ഞതിനു പിന്നാലെ 34-കാരനായ യുവാവ് വീട്ടില്‍ തൂങ്ങിമരിക്കുകയായിരുന്നു.
ഞായറാഴ്ച പുലര്‍ച്ചെ മകന് ഭക്ഷണം കൊടുക്കാനായി എത്തിയ അമ്മയാണ് വീട്ടില്‍ തൂങ്ങിമരിച്ച നിലയില്‍ 3മകന് ലോകേഷിനെ കണ്ടത്. ഒമ്പത് വര്‍ഷങ്ങള്‍ക്കു മുന്‍പായിരുന്നു ഇയാളുടെ വിവാഹം. തനിക്ക് ഒരു ആണ്‍കുഞ്ഞ് വേണമെന്നത് ലോഗേഷിന്‍റെ വലിയ ആഗ്രഹമായിരുന്നു.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/G3kWoJQhFFb3jnAVEeRmzi
16 കാരനെ മദ്യം നൽകി പീഡിപ്പിച്ചു; ട്യൂഷൻ അധ്യാപിക അറസ്റ്റിൽ
തൃശൂർ: വീട്ടിൽ ട്യൂഷനു ചെന്ന 16 കാരനെ മദ്യം നൽകി മയക്കിയ ശേഷം ലൈംഗികമായി പീഡിപ്പിച്ച ട്യൂഷൻ ടീച്ചർ അറസ്റ്റിൽ. തൃശൂരിലാണ് സംഭവം നടന്നത്. വിദ്യാർഥി മാനസികമായി പ്രശ്നം കാണിച്ചു തുടങ്ങിയതോടെ വീട്ടുകാർ കൗൺസിലിങ്ങിനു വിധേ‍യമാക്കിയപ്പോഴാണ് പീഡന വിവരം പുറത്തു വരുന്നത്. തുടര്‍ന്ന് ശിശുക്ഷേമ സമിതിയെ വിവരമറിയിച്ചു. ശിശുക്ഷേമ സമിതിയുടെ നിര്‍ദ്ദേശപ്രകാരം മണ്ണുത്തി പൊലീസ് കേസെടുത്ത് അന്വേഷണം നടത്തിയാണ് അധ്യാപികയെ കസ്റ്റഡിയില്‍ എടുത്തത്.
അധ്യാപകിയെ ചോദ്യം ചെയ്തപ്പോള്‍ പരാതിയില്‍ കഴമ്പുണ്ടെന്ന് മനസിലാക്കിയ പൊലീസ് അറസ്റ്റ് രേഖപ്പെടുത്തുകയായിരുന്നു. കോടതിയില്‍ ഹാജരാക്കിയ മുപ്പത്തിയേഴുകാരിയായ അധ്യാപികയെ റിമാന്‍ഡ് ചെയ്തു. പോക്‌സോ നിയമപ്രകാരമാണ് അധ്യാപികയെ അറസ്റ്റ് ചെയ്തത്. കൊവിഡ് കാലത്താണ് ഭര്‍ത്താവുമായി പിരിഞ്ഞു കഴിയുകയായിരുന്ന അധ്യാപിക വീട്ടില്‍ ട്യൂഷന് എടുത്ത് തുടങ്ങിയത്. ഇവര്‍ക്ക് മക്കളുണ്ടായിരുന്നില്ല.
അധ്യാപിക നേരത്തെ ഫിറ്റ്‌നസ് സെന്‍ററില്‍ പരിശീലികയായും ജോലി നോക്കിയിരുന്നു. അതേസമയം പതിനാറുകാരനെ മെഡിക്കല്‍ പരിശോധനയ്ക്കു വിധേയമാക്കി. പൊലീസ് രഹസ്യമൊഴിയും രേഖപ്പെടുത്തി. പൊക്‌സോ കേസ് ആയതിനാല്‍ പ്രതിയുടെ പേരോ മറ്റു വിശദാംശങ്ങളോ വെളിപ്പെടുത്തരുതെന്ന് പൊലീസ് ബന്ധപ്പെട്ടവര്‍ക്ക് നിര്‍ദ്ദേശം നല്‍കിയിട്ടുണ്ട്. പേരുവിവരങ്ങള്‍ പുറത്തു വന്നാല്‍ അധ്യാപികയുടെ അടുത്ത് ട്യൂഷന് പോയിട്ടുള്ള വിദ്യാര്‍ഥികള്‍ മാനസിക വിഷമം നേരിടേണ്ടി വരും.
Post A Comment: