ഇടുക്കി: സുന്ദരിമാരായ സ്ത്രീകളെ ആഡംബര കാറിന്‍റെ മുൻ സീറ്റിലിരുത്തി ലഹരി കടത്തുന്ന സംഘം കുമളിയിൽ പിടിയിൽ. എക്സൈസ് ചെക്ക് പോസ്റ്റിൽ നടത്തിയ പരിശോധനയിലാണ് മൂന്നംഗ സംഘം പിടിയിലായത്. തിരുവനന്തപുരം സ്വദേശികളായ നെയ്യാറ്റിൻകര പൊഴിയുർ ചന്ദുരുതി ടിറ്റോ സാന്തന (26), കൊട്ടുഗൽ ചേവരകരയിൽ മിഥുൻ നിവാസിൽ മിഥുല രാജ് (26), ബഥരയനഗർ കോളനിയിൽ ഹലീൽ (40) എന്നിവരാണ് പിടിയിലായത്.
ഇവരിൽ നിന്ന് 400 ഗ്രാം ഉണക്ക കഞ്ചാവും 12100 രുപയും കണ്ടത്തി. കഞ്ചാവ് കടത്താൻ ഉപയോഗിച്ച മാരുതി സ്വിഫ്റ്റ് ഡിസയർ കാറും കസ്റ്റഡിയിലെടുത്തു. ആഡംബര വാഹനങ്ങളിൽ സ്ത്രീകളെ മുൻ സീറ്റിൽ ഇരുത്തി മയക്കു മരുന്ന് കടത്തുന്ന സംഘത്തിൽപെട്ടവരാണ് പിടിയിലായതെന്നാണ് പൊലീസ് നൽകുന്ന വിവരം.
എക്സൈസ് ഇൻസ്‌പെക്റ്റർ ജോർജ് ജോസഫ്, പ്രിവന്‍റീവ് ഓഫീസർമാരായ സതീഷ്കുമാർ, ജോസി വർഗീസ്, സിവിൽ എക്സൈസ് ഓഫീസർ, അരുൺ, പീരുമേട് എക്സൈസ് ഓഫീസിലെ വനിതാ ഓഫീസർ സ്റ്റെല്ല ഉമ്മൻ എന്നിവർ ചേർന്നാണ് വാഹനപരിശോധന നടത്തി പ്രതികളെ പിടികൂടിയത്.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/BXqscrwMtCT3W9iorxfDZ6
Post A Comment: