കൊളമ്പോ: ഓൺ ലൈൻ വിചാരണക്കിടെ അർധ നഗ്നയായി കട്ടിലിൽ കിടന്ന് സിഗരറ്റ് വലിച്ച ജ്‌ഡ്‌ജിക്ക് സസ്പെൻഷൻ. കൊളംബിയയിലാണ് സംഭവം നടന്നത്. സൂം കോളിലാണ് വിചാരണ നടപടികൾ ആരംഭിച്ചത്. വിവിയന്‍ പോളോണിയ എന്ന ജഡ്‌ജിയാണ് കോടതി മര്യാദ ലംഘിച്ചതായി അച്ചടക്ക സമിതി കണ്ടെത്തിയത്. ഇവരെ മൂന്നു മാസത്തേക്കാണ് സസ്പെന്‍ഡ് ചെയ്‌തിരിക്കുന്നത്.
സംഭവത്തിന്‍റെ വീഡിയോ ഇന്‍റര്‍നെറ്റില്‍ വൈറലാണ്. അഭിഭാഷകരില്‍ ഒരാളാണ് ജഡ്‌ജിയുടെ ക്യാമറ ഓണ്‍ ആണെന്ന് അറിയിച്ചത്. ജഡ്ജി വളരെ പരിതാപകരമായ അവസ്ഥയിലായിരുന്നുവെന്ന് സമിതി കണ്ടെത്തി. സംഭവത്തില്‍ അന്വേഷണം ആരംഭിച്ചു.
തുടര്‍നടപടിയുടെ ഭാഗമായി അച്ചടക്ക സമിതി ഫെബ്രുവരി വരെ ശമ്പളമില്ലാതെ അവധിയില്‍ പ്രവേശിക്കാന്‍ ജഡ്ജിയോട് ആവശ്യപ്പെട്ടു. അതേസമയം താന്‍ അര്‍ദ്ധ നഗ്നയായിരുന്നുവെന്ന ആരോപണം ജഡ്ജി നിഷേധിച്ചു. ഉത്കണ്ഠയും ടെന്‍ഷനും കാരണം താന്‍ കിടക്കുകയായിരുന്നുവെന്ന് അവര്‍ അവകാശപ്പെട്ടു. മുന്‍പും മോശം വസ്ത്രധാരണത്തിന്‍റെ പേരില്‍ ഇവര്‍ക്കെതിരേ വിമര്‍ശനങ്ങള്‍ ഉയര്‍ന്നിട്ടുണ്ട്.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/KxwQkuDFdXP0KRUrdgxDi5
Post A Comment: