കൊച്ചി: ആക്രി കച്ചവടത്തിന്റെ മറവിൽ 12 കോടിയുടെ ജിഎസ്ടി തട്ടിപ്പ് നടത്തിയ രണ്ട് പേർ അറസ്റ്റിൽ. പെരുമ്പാവൂർ സ്വദേശികളായ അസർ അലി, റിൻഷാദ് എന്നിവരാണ് അറസ്റ്റിലായത്.
ആക്രി കച്ചവടത്തിന്റെ മറവിൽ വ്യാജ ബില്ല് ഉണ്ടാക്കിയായിരുന്നു വെട്ടിപ്പ്. ഒളിവിലായിരുന്ന ഇരുവരെയും സംസ്ഥാന ജിഎസ്ടിയുടെ കോട്ടയം യൂണിറ്റ് ആണ് പ്രതികളെ പിടികൂടിയത്. ജൂൺ മാസം മുതൽ പ്രതികൾ ഒളിവിലായിരുന്നു.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/GI2hVOqWn9EJitAmn9RGLP
ഏഴാം ക്ലാസ് വിദ്യാർഥിനി സ്കൂളിൽ കെട്ടിയിട്ട നിലയിൽ
പാലക്കാട്: കാണാതായ ഏഴാം ക്ലാസ് വിദ്യാർഥിയെ സ്കൂളിനുള്ളിൽ കെട്ടിയിട്ട നിലയിൽ കണ്ടെത്തി. പാലക്കാട് ജില്ലയിലെ അലനല്ലൂരിലാണ് സംഭവം. സ്കൂളിന്റെ മൂന്നാം നിലയില് കെട്ടിയിട്ട നിലയിലാണ് പെൺകുട്ടിയെ കണ്ടെത്തിയത്.
ഇന്ന് വൈകിട്ട് മുതൽ കുട്ടിയെ കാണാതായിരുന്നു. തുടർന്ന് വീട്ടുകാരും നാട്ടുകാരും സ്കൂൾ അധികൃതരും ചേർന്ന് തിരച്ചിൽ നടത്തി. ഇക്കൂട്ടത്തിൽ സ്കൂളിൽ നടത്തിയ തിരച്ചിലിലാണ് പെൺകുട്ടിയെ കണ്ടെത്തിയത്. സംഭവത്തിൽ നാട്ടുകൽ പൊലീസ് കേസെടുത്ത് അന്വേഷണം തുടങ്ങി.
പൊലീസ് സംഘം കുട്ടിയുടെ വീട്ടിലെത്തി മൊഴി രേഖപ്പെടുത്തുന്നുണ്ട്. കുട്ടിയുടെ മൊഴിയിൽ വൈരുദ്ധ്യമുണ്ടെന്നാണ് പൊലീസ് നിരീക്ഷണം. രാത്രി ഒൻപതോടെയാണ് കുട്ടിയെ സ്കൂളിനകത്ത് കെട്ടിയിടപ്പെട്ട നിലയിൽ കണ്ടെത്തിയത്. രണ്ട് പേർ ചേർന്ന് കെട്ടിയിട്ടുവെന്നാണ് കുട്ടി രക്ഷിതാക്കളോടും പൊലീസിനോടും പറഞ്ഞത്.
എന്നാൽ ഇക്കാര്യം പൊലീസ് വിശ്വാസത്തിലെടുത്തിട്ടില്ല. കുട്ടിയുടെ ശരീരത്തിൽ പിടിവലി നടന്നതിന്റെയോ മൽപ്പിടുത്തം നടന്നതിന്റെയോ പാടുകളില്ല. കയ്യിലുള്ള പൈസ എടുക്കാൻ വേണ്ടിയാണ് രണ്ട് പേർ മുഖം പൊത്തി കൈകൾ കെട്ടിയിട്ടതെന്നാണ് പെൺകുട്ടി വീട്ടിൽ മൊഴിയെടുക്കാനെത്തിയ പൊലീസുകാരോട് പറഞ്ഞിരിക്കുന്നത്. കുട്ടി രാവിലെ മൊബൈൽ ഫോൺ ആവശ്യപ്പെട്ടെന്നും നൽകാതെ വന്നതോടെ പിണങ്ങിയാണ് സ്കൂളിലേക്ക് പോയതെന്നും ബന്ധുക്കൾ പറഞ്ഞു.
Post A Comment: