ജംഗിൾ സവാരിക്കിടെ തുറന്ന ജീപ്പിലേക്ക് പാഞ്ഞടുത്ത് കടുവ; വീഡിയോ

ജംഗിൾ സഫാരിക്കിടെ സഞ്ചാരികളെ മൃഗങ്ങൾ ആക്രമിക്കാൻ ശ്രമിക്കുന്ന സംഭവങ്ങൾ മുമ്പും ഉണ്ടായിട്ടുണ്ട്. സമാനമായ ഒരു സംഭവമാണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്. ഇന്ത്യൻ ഫോറസ്റ്റ് സർവീസ് (ഐഎഫ്എസ്) ഓഫീസർ സുരേന്ദർ മെഹ്‌റയാണ് ഈ വീഡിയോ പങ്കുവെച്ചത്.

തുറന്ന വാഹനത്തിൽ ജംഗിൾ സഫാരി നടത്തി ഒരു സംഘമാണ് വീഡിയോയിലുള്ളത്. യാത്രക്കിടയിൽ കാടിന്‍റെ ഒരു വശത്തായി മരങ്ങൾക്കു മറവിൽ പതിഞ്ഞിരിക്കുന്ന ഒരു കടുവയെ ഇവർ കാണുന്നു. എന്നാൽ കടുവയെ കണ്ട ഇവർ ജീപ്പ് എടുത്ത് മുൻപോട്ട് പോകുന്നതിന് പകരം കടുവയെ അൽപംകൂടി അടുത്തു കാണാനായി ജീപ്പ് അവിടെ നിർത്തിയിട്ടു.

എന്നാൽ കടുവ പുറത്തേക്ക് വന്നില്ല. അൽപനേരം വാഹനത്തെയും വാഹനത്തിനുള്ളിൽ ഉള്ളവരെയും നിരീക്ഷിച്ചുകൊണ്ട് അവിടെത്തന്നെ നിന്നു. ആരും പ്രതീക്ഷിക്കാത്ത ഒരു നിമിഷത്തിൽ അക്രമാസക്തനായ കടുവ ഉറക്കെ അലറിക്കൊണ്ട് അവർക്കു നേരെ കുതിച്ചുചാടി. തലനാരിഴയുടെ വ്യത്യാസത്തിലാണ് ജീപ്പിലുണ്ടായിരുന്ന വിനോദസഞ്ചാരികൾ രക്ഷപ്പെട്ടത്.

Sometimes, our ‘too much’ eagerness for ‘Tiger sighting’ is nothing but intrusion in their Life…🐅#Wilderness #Wildlife #nature #RespectWildlife #KnowWildlife #ResponsibleTourism
Video: WA@susantananda3 @ntca_india pic.twitter.com/B8Gjv8UmgF

— Surender Mehra IFS (@surenmehra) November 27, 2022

 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/KxwQkuDFdXP0KRUrdgxDi5