മനുഷ്യരെ വരെ അനായാസം വിഴുങ്ങുന്നവരാണ് പെരുമ്പാമ്പുകൾ. ലോകത്തിലെ തന്നെ അഞ്ച് വലിയ പാമ്പുകളിൽ ഒന്നാണ് ബർമീസ് പെരുമ്പാമ്പ്. തെക്കൻ ഏഷ്യയിലെ ഉഷ്ണ മേഖലാ പ്രദേശങ്ങളിലാണ് ഇവയെ കൂടുതലായി കണ്ടുവരുന്നത്.
ഇത്തരത്തിൽ ഒരു ബർമീസ് പെരുമ്പാമ്പിന്റെ വീഡിയോയാണ് സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്. അമേരിക്കയിലെ ഫ്ളോറിഡയിൽ നിന്നുള്ളതാണ് ദൃശ്യം. പാമ്പിന്റെ വയറ്റിൽ നിന്നും ഒരു കൂറ്റൻ മുതലയെയാണ് കണ്ടെത്തിയിരിക്കുന്നത്.
റോസി മുറേ ഇൻസ്റ്റഗ്രാമിൽ പങ്കുവച്ചതാണ് വീഡിയോ. എവർഗ്ലേഡ്സിലെ ദേശീയ പാർക്ക് ജീവനക്കാരാണ് പെരുമ്പാമ്പിനെ പിടികൂടിയത്. ദയാവധത്തിനു വിധേയമാക്കിയ പെരുമ്പാമ്പിന്റെ ജഡ പരിശോധനയിലാണ് വയറ്റിൽ മുതലയെ കണ്ടത്. മുതലയ്ക്ക് അഞ്ചടിയോളം നീളമുണ്ടായിരുന്നു. വയറിന്റെ ഭാഗം കീറി മുതലയുടെ ജഡം പുറത്തെടുത്തു. വീഡിയോ പങ്കുവച്ച് മണിക്കൂറുകൾക്കകം ഒരു കോടിയിലധികം വ്യൂസാണ് ലഭിച്ചത്.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/GI2hVOqWn9EJitAmn9RGLP
പിതാവിന്റെ വെട്ടേറ്റ മകൻ മരിച്ചു
ഇടുക്കി: പിതാവിന്റെ വെട്ടേറ്റ മകൻ മരിച്ചു. ഇടുക്കി ചെമ്മണ്ണാർ മുക്കനോലിൽ ജെനീഷ് (38) ആണ് ചികിത്സയിലിരിക്കെ മരിച്ചത്. സംഭവത്തിൽ പിതാവ് തമ്പിയെ പൊലീസ് അറസ്റ്റ് ചെയ്തു. ബുധനാഴ്ച്ച രാത്രിയിലാണ് സംഭവം നടന്നത്. സ്ഥിരം മദ്യപാനിയായ മകൻ വീട്ടിലെത്തി ബഹളമുണ്ടാക്കിയതിനെ ചൊല്ലിയുള്ള തർക്കത്തിനിടെയാണ് വെട്ടേറ്റത്.
മദ്യപിച്ചെത്തിയ ജെനീഷ് സ്വന്തം മക്കളെയും പിതാവ് തമ്പിയെയും മർദിച്ചിരുന്നു. പേരക്കുഞ്ഞുങ്ങളെ സംരക്ഷിക്കാനായി തമ്പി വാക്കത്തിയെടുത്ത് വീശുകയായിരുന്നു. വാക്കത്തി കൈയിൽ കൊണ്ടാണ് ജെനീഷിനു മുറിവേറ്റത്. ഇന്നലെ രാത്രി 7.30 ഓടെയാണ് സംഭവം നടന്നത്. തുടർന്ന് ജെനീഷിനെ കോട്ടയം മെഡിക്കൽ കോളെജിൽ പ്രവേശിപ്പിച്ചിരുന്നു. വ്യാഴാഴ്ച്ച രാവിലെയാണ് മരണം സംഭവിച്ചത്.
Post A Comment: