ദോഹ: ലോക മെമ്പാടുമുള്ള ആരാധകർ കാത്തിരിക്കുന്നത് ഇന്ന് ഇന്ത്യൻ സമയം രാത്രി 12.30ന് നടക്കുന്ന അർജന്റീന- മെക്സിക്കോ പോരാട്ടത്തിലേക്ക്. ഫിഫ ലോകകപ്പിൽ അർജന്റീനക്ക് ഇന്ന് ജീവൻ മരണ പോരാട്ടമാണ്.
ആദ്യ മത്സരത്തിൽ സൗദിക്ക് മുമ്പിൽ പരാജയം ഏറ്റുവാങ്ങിയതോടെ രണ്ടാം റൗണ്ടിലേക്കുള്ള പ്രവേശനത്തിന് ഇന്നത്തെ ജയം അനിവാര്യമാണ്. മത്സരത്തിനു മുമ്പ് നടന്ന പരിശീലനത്തിൽ സൂപ്പർ താരം ലയണൽ മെസി അടക്കം എല്ലാ താരങ്ങളും എത്തിയിരുന്നു. മെക്സിക്കന് ഗോളി ഒച്ചാവയെ മറികടക്കുകയാവും അര്ജന്റീനയ്ക്ക് മുന്നിലുള്ള വലിയ വെല്ലുവിളി.
മൂന്ന് പോയിന്റുള്ള സൗദിയാണ് നിലവിൽ ഗ്രൂപ്പിൽ ഒന്നാമത്. പോളണ്ടിനോടും ജയിച്ചാൽ സൗദിക്ക് പ്രീക്വാർട്ടറിലേക്ക് മുന്നേറാം. ആദ്യ മത്സരത്തിൽ മെക്സിക്കോയോട് സമനില വഴങ്ങിയ പോളണ്ടിനും ഗ്രൂപ്പ് ഘട്ടം കടക്കാൻ ജയം അനിവാര്യമാണ്.
ഗ്രൂപ്പ് സിയില് മൂന്ന് പോയിന്റുമായി സൗദി അറേബ്യയാണ് തലപ്പത്ത്. ഓരോ പോയിന്റ് വീതവുമായി പോളണ്ടും മെക്സിക്കോയും യഥാക്രമം രണ്ടും മൂന്നും സ്ഥാനങ്ങളില് നില്ക്കുന്നു. അക്കൗണ്ട് തുറക്കാത്ത അര്ജന്റീനയാണ് നാലാമത്.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/KxwQkuDFdXP0KRUrdgxDi5
Post A Comment: