ലക്‌നൗ: തന്‍റെ കൺ മുന്നിൽ കാമുകിയെ മർദിച്ച ഭർത്താവിനെ ഒരു മാസം കാത്തിരുന്ന് കൊലപ്പെടുത്തി കാമുകൻ. ഉത്തർപ്രദേശിലെ കനൗജ് മേഖലയിലാണ് സംഭവം നടന്നത്. കേസിൽ യുവാവും കാമുകിയും അറസ്റ്റിലായിട്ടുണ്ട്.
ചിബ്രമൗ കൊട്വാലി പ്രദേശത്തെ സിക്കന്ദര്‍പൂരിലാണ് നാടിനെ ഞെട്ടിച്ച സംഭവം നടന്നത്. രാജു ശർമ എന്ന വ്യക്തിയെയാണ് ഭാര്യയുടെ കാമുകന്‍ കൊലപ്പെടുത്തിയത്. മൂന്ന് കുട്ടികളും ഭാര്യയുമായി കഴിഞ്ഞിരുന്ന രാജു ശർമയുടെ ജീവിതം മാറി മറിയുന്നത് ഒപ്പം ജീവിച്ചിരുന്ന സാഗിർ എന്ന യുവാവുമായുള്ള അടുപ്പത്തോടെയാണ്.
നിരവധി തവണ രാജു സഗീറിനെ വീട്ടിലേക്ക് ക്ഷണിക്കുകയും സഗീര്‍ രാജുവിനൊപ്പം വീട് സന്ദര്‍ശിക്കുകയും ചെയ്തിട്ടുണ്ട്. രാജു പലപ്പോഴും വീട്ടില്‍ സഗീറിനൊപ്പമിരുന്ന് മദ്യപിക്കാറുമുണ്ടായിരുന്നു എന്നും പൊലീസ് പറയുന്നു.
ഇതിനിടെ രാജുവിന്‍റെ ഭാര്യയും സഗീറും തമ്മില്‍ പ്രണയം തുടങ്ങി. രാജു അറിയാതെ തന്നെ സഗീര്‍ ദിവസവും രാജുവിന്‍റെ വീട് സന്ദര്‍ശിക്കാന്‍ തുടങ്ങി. അതിനിടെ, ഒരു മാസം മുമ്പ് രാജു ഭാര്യയുമായി നടന്ന വാക്കേറ്റത്തിനിടയില്‍ അവരെ മര്‍ദ്ദിച്ചു. പീന്നീട് പ്രണയിനിയില്‍ നിന്ന് ഇക്കാര്യം അറിഞ്ഞ സഗീര്‍ ഇതിന് പകരം വീട്ടണമെന്ന് തീരുമാനിക്കുകയായിരുന്നു. തങ്ങളുടെ ജീവിതത്തിനിടയില്‍ നിന്ന് രാജുവിനെ ഒഴിവാക്കാനും സഗീര്‍ തീരുമാനിച്ചു.
തുടര്‍ന്ന് ജൂണ്‍ എട്ട് വ്യാഴാഴ്ച സഗീര്‍ സംഗീത മേള കാണിക്കാന്‍ രാജുവിന്‍റെ ഭാര്യയെയും മക്കളെയും കൊണ്ടുപോയി. രാജുവിന്‍റെ അനുവാദത്തോടെ തന്നെയായിരുന്നു സഗീര്‍ അവരെ കൊണ്ടുപോയത്. അതിനുശേഷം കാമുകിയേയും മക്കളെയും അവിടെ നിര്‍ത്തിയ സഗീര്‍ തിരിച്ച് രാജുവിന്‍റെ വീട്ടിലേക്ക് മടങ്ങി. അവിടെ വച്ച് രാജുവും സഗീറും ഒന്നുംരണ്ടും പറഞ്ഞ് വഴക്കായി. തുടര്‍ന്ന് വഴക്ക് കയ്യാങ്കളിയിലേക്ക് നീങ്ങുകയായിരുന്നു.
ആദ്യം സഗീര്‍ രാജുവിനെ മര്‍ദ്ദിച്ചു. തുടര്‍ന്ന് തലയണ ഉപയോഗിച്ച് ശ്വാസേ മുട്ടിച്ച് കൊലപ്പെടുത്താന്‍ നോക്കി. ആ ശ്രമത്തിലും രാജു മരിക്കുന്നില്ലെന്ന് കണ്ടപ്പോള്‍ രാജുവിന്‍റെ ഭാര്യ ഉപയോഗിക്കുന്ന ഷാള്‍ കൊണ്ട് രാജുവിന്‍റെ കഴുത്ത് ഞെരിച്ച് കൊലപ്പെടുത്തുകയായിരുന്നു.
തുടര്‍ന്ന് സംഗീതമേള നടക്കുന്ന സ്ഥലത്തേക്ക് തിരിച്ചു പോയി രാജുവിന്‍റെ ഭാര്യയോട് വിവരം പറഞ്ഞു. അവര്‍ ഇരുവരും കുട്ടികളേയും തിരിച്ചുകൊണ്ടു വന്നു. അവര്‍ വീട്ടില്‍ എത്തിയപ്പോഴാണ് കൊലപാതക വിവരം അറിയുന്നത്.
പൊലീസില്‍ വിവരം അറിയിച്ചതോടെ അവര്‍ എത്തി പരിശോധന നടത്തി. സംശയത്തിന്‍റെ പേരില്‍ സഗീറിനെ കസ്റ്റഡിയിലെടുത്ത് ചോദ്യം ചെയ്യുകയായിരുന്നു. തുടര്‍ന്ന് സഗീര്‍ കുറ്റം സമ്മതിച്ചു.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/HN3zUlGc2Va9613524dFBp
Post A Comment: