ഇടുക്കി: ഏലത്തോട്ടത്തിൽ വളം ഇടുന്ന ജോലി ചെയ്‌തു കൊണ്ടിരിക്കെ മരം ഒടിഞ്ഞ് വീണ് തൊഴിലാളി സ്ത്രീ മരിച്ചു. കെഎഫ്ഡിസിയുടെ ഗവിയിലെ ഏലത്തോട്ടത്തിലാണ് അപകടം ഉണ്ടായത്. ഗവി മീനാർ കോളനിയിൽ താമസിക്കുന്ന ആനന്ദകുമാരിയാണ് മരിച്ചത്. വ്യാഴാഴ്ച്ച ഉച്ചകഴിഞ്ഞ് ഒന്നരയോടെയായിരുന്നു അപകടം നടന്നത്.
തോട്ടത്തിൽ വളം ഇടുന്ന ജോലികൾ നടന്നു വരികയായിരുന്നു. കൂറ്റൻ മരം ഒടിയുന്നത് കണ്ട് വാച്ചർ ഓടി മാറാൻ ആവശ്യപ്പെട്ടെങ്കിലും ആനന്ദകുമാരി മരത്തിന്‍റെ വേരിൽ തട്ടി വീണു. ഇതോടെ മരത്തിന്‍റെ ശിഖരം ദേഹത്ത് പതിക്കുകയായിരുന്നു.
തൽക്ഷണം തന്നെ മരണം സംഭവിച്ചതായി ഒപ്പമുണ്ടായിരുന്ന തൊഴിലാളികൾ പറഞ്ഞു. വള്ളക്കടവിലെ വനം വകുപ്പ് ഉദ്യോഗസ്ഥരുടെ നേതൃത്വത്തിൽ ഉടൻ തന്നെ വണ്ടിപ്പെരിയാർ പ്രാഥമികാരോഗ്യ കേന്ദ്രത്തിൽ എത്തിച്ചു. നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടു നൽകും.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/HN3zUlGc2Va9613524dFBp
Post A Comment: