അപ്രതീക്ഷിതമായി ഒരു പൂച്ച കുറുകെ ചാടിയിൽ പേടിക്കുന്നവരാണ് എല്ലാവരും. എന്നാൽ പിന്നാലെയെത്തിയ കരടി തോളിൽ കൈയിട്ടിട്ടും കൂസലില്ലാതെ സെൽഫി എടുക്കാൻ പോസ് ചെയ്ത യുവതിയാണ് സോഷ്യൽ മീഡിയയിൽ വൈറലാകുന്നത്. മെക്സിക്കോയിലെ എക്കോളജിക്കൻ പാർക്കിലായിരുന്നു സംഭവം. പാർക്കിലെത്തിയ യുവതികളായ നാലംഗസംഘം കാഴ്ച്ചകൾ ആസ്വധിച്ച് നടക്കുകയായിരുന്നു. തോളിൽ ആരോ കൈവച്ചപ്പോഴാണ് സംഘത്തിൽ ഏറ്റവും പിന്നിലായി നടന്ന യുവതി തിരിഞ്ഞു നോക്കിയത്. ഒരു കരടി എണീറ്റ് നിന്ന് തോളിൽ കൈവച്ചതാണ്.
സാധാരണ മനുഷ്യൻ ബോധം കെട്ടു പോകുന്ന അവസ്ഥ. പക്ഷെ ആ യുവതി ബോധം കെട്ടില്ലെന്ന് മാത്രമല്ല, ഒന്നു ഞെട്ടിയത് പോലും ഇല്ല. യുവതിക്ക് ഒപ്പം ഉണ്ടായിരുന്നവരും ശാന്തതയോടെ നിന്നു. പല തവണ കരടി യുവതിയുടെ തലമുടിയില് പിടിക്കുന്നുണ്ട്. യുവതിയെ കരടി അടിതൊട്ട് മുടിവരെ മണത്ത് പരിശോധിച്ചു. യുവതിയുടെ തോളിൽ നിന്നു നിലത്തേക്ക് വീണ കരടി വീണ്ടും പിൻകാലുകളിൽ ഉയർന്ന് പൂർവസ്ഥിതിയിൽ നിന്നു.
ചുറ്റുമുള്ളവർ ഞെട്ടിത്തരിച്ച് നിൽക്കുമ്പോൾ യുവതി ഫോൺ പുറത്തെടുത്ത് സെൽഫി എടുക്കുന്ന തിരക്കിലായിരുന്നു. അപൂർവ നിമിഷം യുവതി തൻ്റെ ഫോണിൽ പകർത്തി. വൈകാതെ കരടി മടങ്ങി. കരടി മാറിപ്പോയെന്ന് ഉറപ്പാക്കിയതോടെ യുവതിയും സംഘവും വേഗം സ്ഥലം കാലിയാക്കി. യുവതിയുടെ ധൈര്യത്തെ കുറിച്ച് സോഷ്യൽ മീഡിയയിൽ വലിയ ചർച്ചകളാണ്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: