മണിക്കൂറുകളോളമാണ് ഇപ്പോൾ ആളുകൾ മൊബൈൽ ഫോണിൽ സമയം ചിലവഴിക്കുന്നത്. ലോക് ഡൗൺ പ്രഖ്യാപനത്തിനു പിന്നാലെ ഓൺലൈൻ ഉപയോഗം പതിൻമടങ്ങാണ് വർധിച്ചത്. എന്നാൽ ഇങ്ങനെ ഫോണിൽ കുത്തിക്കൊണ്ടിരിക്കുന്നത് ആയുസ് കുറക്കുമെന്നാണ് യുകെയിൽ നടത്തിയ പഠനം തെളിയിക്കുന്നത്.
മൊബൈലിൽ സമയം ചിലവഴിക്കുമ്പോഴുള്ള വളഞ്ഞു കുത്തിയുള്ള ഇരുപ്പാണ് ആയുർദൈർഖ്യം കുറക്കുന്നത്. യുകെയിലെ യുണൈറ്റഡ് ചിറോപ്രാക്റ്റിക്ക് അസോസിയേഷനാണ് ഇക്കാര്യത്തിൽ പഠനം നടത്തിയത്. ഇരുന്ന് ജോലി ചെയ്യുന്നവർക്കിടയിൽ മുൻപും ഇത്തരം ആരോഗ്യപ്രശ്നങ്ങൾ റിപ്പോർട്ട് ചെയ്‌തിരുന്നുവെങ്കിലും മൊബൈലുകളും ടാബ്‌ലറ്റുകളും ലാപ് ടോപ്പുകളുമെല്ലാം പ്രചാരത്തിലായതോടെ ഇത്തരം പ്രശ്നങ്ങളുമായി സമീപിക്കുന്നവരുടെ എണ്ണം വർധിച്ചുവെന്ന് പഠനം പറയുന്നു.
തലകുമ്പിട്ടു വളഞ്ഞിരിക്കുന്നവർക്ക് ശരിയായ രീതിയിൽ ശ്വാസോശ്വാസം ചെയ്യാൻ കഴിയില്ല. വാരിയെല്ലുകൾക്ക് ശരിയായ രീതിയിൽ അനങ്ങാൻ കഴിയാത്തതിനാൽ ഹൃദത്തിന്‍റെയും ശ്വാസകോശത്തിന്‍റെയും മറ്റും പ്രവർത്തനം മന്ദഗതിയിലാക്കുകയും ചെയ്യും.
ചെറിയ വേദനകളായിരിക്കും ആദ്യം അനുഭവപ്പെടുക. കുറച്ചു സമയത്തിനകം ആശ്വാസം ലഭിക്കുന്നത് കൊണ്ട് അതിനെ കാര്യമായി കാണുകയുമില്ല. അമിതവണ്ണം മുതൽ ഹൃദ്രോഗം വരെയുള്ള അസുഖങ്ങളായിരിക്കും ഭാവിയിൽ അവരെ കാത്തിരിക്കുന്നതെന്നും ഗവേഷകർ പറയുന്നു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: