കൊൽക്കത്ത: മൂത്ത സഹോദരനു കോവിഡ ്സ്ഥിരീകരിച്ചതിനു പിന്നാലെ ബിസിസിഐ പ്രസിഡന്റ് സൗരവ് ഗാംഗുലി ക്വാറന്റൈനിൽ. വീട്ടിൽ തന്നെയാണ് ഗാംഗുലി നിരീക്ഷണത്തിൽ കഴിയുന്നത്. മൂത്ത സഹോദരനും ബംഗാൾ ക്രിക്കറ്റ് അസോസിയേഷൻ ജോയിന്റ് സെക്രട്ടറിയുമായ സ്നേഹാഷിഷ് ഗാംഗുലിക്കാണ് കോവിഡ് സ്ഥിരീകരിച്ചത്.
കോവിഡ് ബാധിച്ച സ്നേഹാഷിഷ് ഗാംഗുലിയെ കൊൽക്കത്തയിലെ ബെല്ലെ വ്യൂ ആശുപത്രിയിലാണ് അഡ്മിറ്റ് ചെയ്തിരിക്കുന്നത്. കഴിഞ്ഞ കുറച്ച് ദിവസങ്ങളായി സ്നേഹാഷിഷ് ഗാംഗുലിക്ക് ചെറിയ രീതിയിൽ പനിയുണ്ടായിരുന്നു. പിന്നീട് കോവിഡ് പരിശോധന നടത്തിയപ്പോൾ ഫലം പോസിറ്റീവായി.
ബംഗാൾ ക്രിക്കറ്റ് അസോസിയേഷൻ തന്നെയാണ് ഇക്കാര്യം അറിയിച്ചത്. ഗാംഗുലിയുടെ 48 ആം ജന്മദിനമാണ് 2020 ജൂലൈ എട്ടിന് ആഘോഷിച്ചത്. ഇതിൽ സ്നേഹാഷിഷ് ഗാംഗുലിയും പങ്കെടുത്തിരുന്നു. വീട്ടിൽ കേക്ക് മുറിച്ച് ജന്മദിനം ആഘോഷിക്കുന്ന ഗാംഗുലിയുടെ ചിത്രങ്ങൾ നേരത്തെ സാമൂഹ്യമാധ്യമങ്ങളിൽ വൈറലായിരുന്നു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: