ഇടുക്കി: കട്ടപ്പന-കുട്ടിക്കാനം സംസ്ഥാന പാതയിൽ ആംബുലൻസും കാറും നേർക്ക് നേർ കൂട്ടിയിടിച്ചു. ശനിയാഴ്ച്ച ഉച്ചയ്ക്ക് 12.50ഓടെയായിരുന്നു അപകടം. വാഹനങ്ങൾ അമിത വേഗത്തിലായിരുന്നുവെന്ന് ദൃക്‌സാക്ഷികൾ പറയുന്നു. ഇടിയുടെ ആഘാതത്തിൽ ഇരു വാഹനങ്ങളും റോഡിൽ നിന്നും തെന്നി നീങ്ങി. വാഹനത്തിലെ യാത്രക്കാർക്ക് പരുക്കേറ്റിട്ടുണ്ട്. ഇവരെ ഉടൻ തന്നെ കട്ടപ്പനയിലെ ആശുപത്രിയിലേക്ക് കൊണ്ടുപോയിരിക്കുകയാണ്.
ഇവരുടെ പരുക്ക് സംബന്ധിച്ചുള്ള വിവരങ്ങൾ ലഭ്യമായിട്ടില്ല. കാറിന്‍റെ മുൻവശം തകർന്ന നിലയിലാണ്. ആംബുലൻസിന്‍റെ മുൻ ഭാഗത്തെ ചില്ല് ഇളകി തെറിച്ച് റോഡിൽ കിടക്കുകയാണ്. അപകടത്തെ തുടർന്ന് റോഡിൽ ഗതാഗത തടസം നേരിട്ടെങ്കിലും വളരെ വേഗം ഗതാഗതം പുനസ്ഥാപിച്ചിട്ടുണ്ട്. ഉപ്പുതറ പൊലീസ് സ്ഥലത്തെത്തി മേൽനടപടി സ്വീകരിച്ചിട്ടുണ്ട്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
Post A Comment: