റിപ്പോർട്ടിങ്ങിനും വാർത്താ വായനയ്ക്കുമിടയിൽ അമളികൾ സംഭവിക്കുന്ന വീഡിയോകൾ നിരവധി ഉണ്ടായിട്ടുണ്ട്. ഓൺ എയറിലെ ഇത്തരം രസ കാഴ്ച്ചകൾ സോഷ്യൽ മീഡിയയിൽ വൈറലാകാറുമുണ്ട്. എന്നാൽ ഉക്രൈനിൽ ഒരു വാർത്താ അവതാരികയ്ക്ക് സംഭവിച്ചത് അൽപം കടന്ന കൈയായി പോയി. വാര്ത്താ വായനക്കിടയില് പല്ല് അടര്ന്ന് താഴെ പോകുന്നതും എന്നിട്ടും കൂളായി അവതാരക വാര്ത്ത വായന തുടരുന്നതുമാണ് വീഡിയോയില് ഉള്ളത്. ഉക്രെയിനില് നിന്നുള്ള മരിച്കാ പഡാല്കോ എന്ന യുവതിയാണ് ഈ വീഡിയോയിലൂടെ സോഷ്യല് മീഡിയയില് താരമായത്.
വാര്ത്ത വായിക്കുന്നതിനിടെയാണ് മരിച്കയുടെ പല്ല് ഊരി പോയത്. ഒരു റിപ്പോര്ട്ട് വായിച്ചുകൊണ്ടിരിക്കുന്നതിനിടെ വായില് നിന്നും മുന്വശത്തെ പല്ലുകളില് ഒന്ന് അടര്ന്നുവീണു. എന്നാല് അതു കയ്യിലെടുത്ത ശേഷം തന്നെ ബാധിക്കുന്നേയില്ലെന്ന ആത്മവിശ്വാസത്തോടെ വാര്ത്ത മുഴുവനായും റിപ്പോര്ട്ട് ചെയ്താണ് മരിച്ക അവസാനിപ്പിക്കുന്നത്.
വീഡിയോ വൈറലായതോടെ നിരവധി മാധ്യമങ്ങളില് ഉള്പ്പെടെ വാര്ത്തയാവുകയും ചെയ്തു. എന്നാല് പല്ലു വീഴാനുണ്ടായ സാഹചര്യം വ്യക്തമാക്കി മരിച്ക തന്നെ ഇപ്പോള് രംഗത്തെത്തിയിരിക്കുകയാണ്. വൈറലായ വീഡിയോ സഹിതമാണ് കുറിപ്പ്. ഇരുപതു വര്ഷത്തെ വാര്ത്താ അവതാരക എന്ന അനുഭവത്തില് ഇത്തരത്തിലൊന്ന് ആദ്യമാണെന്ന് ഇവർ പറയുന്നു.
എന്നാല് വെപ്പുപല്ലു വെക്കാനുണ്ടായ കാരണം ജീവിതത്തിലുണ്ടായ ഒരപകടമാണെന്നും അവർ വ്യക്തമാക്കി. പത്തു വര്ഷം മുമ്പ് മകള് ഒരു മെറ്റല് അലാം ക്ലോക്ക് വച്ചു കളിക്കുന്നതിനിടെ മുഖത്തു തട്ടുകയും പല്ലു വീണുപോവുകയുമായിരുന്നെന്ന് ഇവർ പറയുന്നു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: