ന്യൂഡെൽഹി: കടുത്ത സാമ്പത്തിക പ്രതിസന്ധിയെ തുടർന്ന് ഇന്ത്യയിൽ എഎക്സ്എൻ ചാനൽ സംപ്രേക്ഷണം നിർത്തുന്നു. കോവിഡിനെ തുടർന്നുണ്ടായ പ്രതിസന്ധിയാണ് വിനയായതെന്ന് ചാനൽ ഉടമകളായ സോണി പിക്ചേഴ്സ് നെറ്റ് വർക്ക് അറിയിച്ചു. എഎക്സ്എൻ, എഎക്സ്ൻഎഎച്ച്ഡി ചാനലുകളാണ് ഇന്ത്യയടക്കം അഞ്ച് രാജ്യങ്ങളിൽ സംപ്രേഷണം അവസാനിപ്പിക്കുന്നത്.
പാകിസ്താൻ, ഭൂട്ടാന്, നേപ്പാള്, ബംഗ്ലാദേശ് എന്നീ രാജ്യങ്ങളിലും ചാനൽ സംപ്രേഷണം ഇനി ഉണ്ടാകില്ല. ഓണ്ലൈന് സ്ട്രീംമിങ് സംവിധാനം വ്യാപകമായതോടെ ചാനലിലെ സീരിസുകള്ക്ക് കാര്യമായ ജനപ്രീതി കിട്ടുന്നില്ല എന്നതും പ്രതിസന്ധിയായി. ഇന്ന് മുതൽ ചാനൽ സംപ്രേഷണം നിർത്തുകയാണ്. ഇതൊരു ഇതിഹാസ യാത്രയായിരുന്നു. യാഥാർഥ്യവും വിനോദവും ഡ്രാമയും എപ്പോഴും നിങ്ങളോടൊപ്പം ഉണ്ടാവട്ടെ. നിങ്ങളോട് നന്ദി പറയുന്നു”- ട്വിറ്റർ ഹാൻഡിലിലൂടെ അധികൃതര് അറിയിച്ചു.
ഫിയര് ഫാക്ടര്, ബ്രേക്കിംഗ് ദി മജിഷ്യന്സ് കോഡ്, ഗോസ്റ്റ് ഹണ്ടേഴ്സ്, മിനിട്ട് ടു വിന് ഇറ്റ്, ബിലീവ് ഇറ്റ് ഓര് നോട്ട്, സ്ട്രീറ്റ് മാജിക്, ടോപ് ഗിയര്, ദി അമേസിങ് റെയിസ് എന്നിങ്ങനെ ജനകീയമായ ഷോകളും ടിവി സീരിസുകളും ഇന്ത്യയില് അവതരിപ്പിച്ചത് എഎക്സ്എന് ആണ്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജിനായുള്ള ലിങ്ക് ചുവടെ
https://www.facebook.com/superprimetime/?modal=admin_todo_tour
Post A Comment: