ചെന്നൈ: ആഡംബര വാഹനങ്ങളോട് അത്രക്കൊന്നും പ്രിയമില്ലാത്ത താരമാണ് സൂപ്പർ താരം രജനീകാന്ത്. എന്നാൽ രജനീകാന്തിന്‍റെ ഒരു ഡ്രൈവിങ് ചിത്രം ഇപ്പോൾ തമിഴകത്ത് വൈറലാകുകയാണ്. ഇറ്റാലിയൻ സൂപ്പർ കാർ നിർമാതാക്കളായ ലംബോർഗിനിയുടെ ഉറൂസ് എന്ന അത്യാഡംബര എസ്‌യുവിയാണ് രജനീകാന്ത് ഡ്രൈവ് ചെയ്യുന്നത്.
വാഹന കമ്പത്തിന്റെ കാര്യത്തിൽ മറ്റ് താരങ്ങളെ അപേക്ഷിച്ച് ഏറെ പിന്നിലുള്ള നടനാണ് ജനികാന്ത്. ടൊയോട്ട ഇന്നോവയിലാണ് മിക്കപ്പോഴും അദ്ദേഹത്തിന്‍റെ യാത്രകൾ. അദ്ദേഹത്തിന്‍റെ വാഹന ശേഖരത്തിൽ നിരവധി കാറുകൾ ഉണ്ടെങ്കിലും അതിൽ ഏറ്റവും വിലപ്പിടിപ്പുള്ള വാഹനം ബിഎംഡബ്ല്യൂ എക്‌സ് 5 ആണെന്നാണ് റിപോർട്ടുകൾ.
വാഹന കമ്പത്തിന്റെ കാര്യത്തിൽ മറ്റ് താരങ്ങളെ അപേക്ഷിച്ച് ഏറെ പിന്നിലുള്ള നടനാണ് ജനികാന്ത്. ടൊയോട്ട ഇന്നോവയിലാണ് മിക്കപ്പോഴും അദ്ദേഹത്തിന്‍റെ യാത്രകൾ. അദ്ദേഹത്തിന്‍റെ വാഹന ശേഖരത്തിൽ നിരവധി കാറുകൾ ഉണ്ടെങ്കിലും അതിൽ ഏറ്റവും വിലപ്പിടിപ്പുള്ള വാഹനം ബിഎംഡബ്ല്യൂ എക്‌സ് 5 ആണെന്നാണ് റിപോർട്ടുകൾ.
ഇതിനിടെയാണ് താരം ലംബോഗിനി ഓടിക്കുന്ന ചിത്രം പുറത്തു വന്നത്. എന്നാൽ ഇത് രജനീകാന്തിന്‍റെ വാഹനം അല്ലെന്നും സുഹൃത്തുക്കളുടെ വാഹനമാണെന്നും ചിത്രത്തിനു കമന്‍റ് വരുന്നുണ്ട്. അതല്ല, അദ്ദേഹം ടെസ്റ്റ് ഡ്രൈവ് നടത്തുകയാണെന്നുമൊക്കെയാണ് ഫോട്ടോയുടെ കമന്‍റുകൾ. വാഹനത്തിന്‍റെ വിവരങ്ങളോ സ്ഥലമോ സംബന്ധിച്ച് വിവരങ്ങൾ ലഭിച്ചിട്ടില്ല.
ഫോക്സ്‍വാഗണിന്‍റെ എംഎൽബി ഇവോ പ്ലാറ്റഫോമിൽ നിർമിച്ചിരിക്കുന്ന സൂപ്പർ എസ്‌യുവി ആണ് ഉറൂസ്. രൂപകൽപ്പനയിലും സാങ്കേതിക വിദ്യയിലും ഉന്നത നിലവാരം പുലർത്തുന്ന ഉറൂസ് സൂപ്പർ എസ്‌യുവി എന്ന വിശേഷണമുണ്ട്. 3.6 സെക്കൻഡിൽ 100 കിലോമീറ്റർ വേഗവും 12.8 സെക്കൻഡിൽ 200 കിലോമീറ്റർ വേഗതയും കൈവരിക്കാനുള്ള ശേഷിയാണ് ഉറൂസിന് ഈ വിശേഷണം നേടി നൽകിയത്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
ഫെയ്സ് ബുക്ക് പേജ് ലൈക്ക് ചെയ്യുവാൻ
Post A Comment: