ആരോഗ്യ മേഖലക്ക് പ്രത്യേക പാക്കേജ്; കേന്ദ്ര ബജറ്റിലെ പ്രധാന പ്രധാന പ്രഖ്യാപനങ്ങൾ

ന്യൂഡെൽഹി: ആരോഗ്യ മേഖലയ്ക്ക് പ്രത്യേക പാക്കേജ് ഉൾപ്പെടെ പ്രഖ്യാപിച്ച് കേന്ദ്ര ബജറ്റ്. 64,180കോ​ടി രൂ​പ​യു​ടെ പാ​ക്കേ​ജാ​ണ് ആരോഗ്യ മേഖലയ്ക്ക് പ്രഖ്യാപിച്ചിരിക്കുന്നത്. ദേ​ശീ​യ ആ​രോ​ഗ്യ സ്ഥാ​പ​ന​ങ്ങ​ൾ ശ​ക്തി​പ്പെ​ടു​ത്തും. ‌ഇ​തോ​ടൊ​പ്പം പു​തി​യ ആ​രോ​ഗ്യ സ്ഥാ​പ​ന​ങ്ങ​ൾ തു​ട​ങ്ങു​മെ​ന്നും ബ​ജ​റ്റി​ൽ പ്ര​ഖ്യാ​പ​ന​മു​ണ്ട്. കോ​വി​ഡ് വാ​ക്സി​ന് 35,000കോ​ടി അ​നു​വ​ദി​ച്ചു.

2021-22 വ​ർ​ഷ​ത്തെ ബ​ജ​റ്റ് അ​വ​ത​ര​ണ​മാ​ണ് ലോ​ക്സ​ഭ​യി​ൽ ഇ​ന്നു​രാ​വി​ലെ ആ​രം​ഭി​ച്ച​ത്. ധ​ന​മ​ന്ത്രി നി​ർ​മ​ല സീ​താ​രാ​മ​ൻ ബ​ജ​റ്റ് അ​വ​ത​രി​പ്പി​ച്ച് തു​ട​ങ്ങി​യ​പ്പോ​ൾ ത​ന്നെ പ്ര​തി​പ​ക്ഷം ബ​ഹ​ള​വു​മാ​യി രം​ഗ​ത്തെ​ത്തി.

കാ​ർ​ഷി​ക ബി​ല്ലി​നെ​തി​രേ​യാ​ണ് പ്ര​തി​ഷേ​ധ​വു​മാ​യി പ്ര​തി​പ​ക്ഷം രം​ഗ​ത്തെ​ത്തി​യ​ത്. സ​ർ​ക്കാ​രി​ന്‍റെ നേ​ട്ട​ങ്ങ​ൾ എ​ണ്ണി​പ്പ​റ​ഞ്ഞാ​ണ് ബ​ജ​റ്റ് പ്ര​സം​ഗം ആ​രം​ഭി​ച്ച​ത്.

ര​ണ്ടു കോ​ൺ​ഗ്ര​സ് എം​പി​മാ​ർ പാ​ർ​ല​മെ​ന്‍റി​ലെ​ത്തി​യ​ത് ക​റു​ത്ത ഗൗ​ൺ ധ​രി​ച്ചാ​ണ്. അ​തേ​സ​മ​യം, പൂ​ർ​ണ​മാ​യും ക​ട​ലാ​സ് ര​ഹി​ത ബ​ജ​റ്റാ​ണ് ധ​ന​മ​ന്ത്രി അ​വ​ത​രി​പ്പി​ക്കു​ന്ന​ത്.

ഇ​ന്ത്യ​ൻ നി​ർ​മി​ത ടാ​ബ് ഉ​പ​യോ​ഗി​ച്ചാ​ണ് അ​വ​ത​ര​ണം. ബ​ജ​റ്റ് പ്ര​തി​സ​ന്ധി കാ​ല​ത്തി​ലാ​ണെ​ന്ന് ധ​ന​മ​ന്ത്രി പ്ര​ത്യേ​കം ഓ​ർ​മി​പ്പി​ച്ചു. 

കേരളത്തിന് 65,000 കോടിയുടെ റോഡുകൾ നിർമിക്കുന്നതിനും തുക വകയിരുത്തി. കൊച്ചി മെട്രൊ രണ്ടാം ഘട്ടത്തിന് തുക അനുവദിച്ചിട്ടുണ്ട്. കേരളത്തിനും ബംഗാളിനും ബജറ്റിൽ പ്രത്യേക ഊന്നൽ നൽകിയിട്ടുണ്ടെന്നാണ് വിലയിരുത്തൽ. 

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/EXQMlwDgDmC55kywJLF9pj