ലൈവ് റിപ്പോർട്ടിങ്ങിനിടെയുണ്ടാകുന്ന അസാധാരണ സംഭവങ്ങൾ സോഷ്യൽ മീഡിയയിൽ വൈറലാകുന്നത് ആദ്യമല്ല. എന്നാൽ വിർജീനിയയിലെ ലിസ്ബെർഗ് പട്ടത്തിൽ നടന്ന സംഭവത്തിൽ റിപ്പോർട്ടർ വൈറലാകുന്നത് ഒരു നായ കാരണമാണ്. ലൈവ് റിപ്പോർട്ടിനിടെയാണ് ക്യാമറയ്ക്ക് മുന്നിലേക്ക് നായ എത്തിയത്.
ബോബ് ബർണാഡെന്ന ഫോക് ന്യൂസ് ജേണലിസ്റ്റ് കാലാവസ്ഥ റിപ്പോർട്ട് ചെയ്യുന്നതിനിടെ ഒരു നായ്കുട്ടി ഓടി വരികയായിരുന്നു. ഉടൻ തന്നെ റിപ്പോർട്ടർ നായയെ കൈയിലെടുക്കുകയും അതിനെ കുറിച്ച് സംസാരിക്കാൻ തുടങ്ങുകയും ചെയ്തു. ഞാനിതു വരെ സംസാരിച്ചതൊക്കെ നിങ്ങൾ മറന്നു കളയൂ, എനിക്കീ നായയെപ്പറ്റി കൂടുതൽ അറിയണം എന്നായിരുന്നു റിപ്പോർട്ടർ പറഞ്ഞത്.
നായ പിന്നീട് ബോബിന്റെ മുഖത്ത് നക്കുകയും അദ്ദേഹത്തോടൊപ്പം കളിക്കാൻ തുടങ്ങുകയും ചെയ്തതായി വീഡിയോയിൽ കാണിക്കുന്നു. അൽപ സമയത്തിന് ശേഷം നായയുടെ ഉടമയായ സ്ത്രീ വരികയും ബോബിനോട് മാപ്പ് ചോദിക്കുകയും ചെയ്തു.
നായ മതിൽ ചാടി ഓടി വന്നതാണെന്ന് പറഞ്ഞ സ്ത്രീ പിയറോഗി എന്നാണ് തന്റെ നായയുടെ പേരെന്നും അറിയിച്ചു. ഒരു മില്യണിലധികം ആളുകൾ കണ്ട ഈ വീഡിയോ 8,000 പേർ ലൈക്ക് ചെയ്തിട്ടുണ്ട്. നിരവധി പേരാണ് നായയുടെ ഗസ്റ്റ് റോൾ സംബന്ധിച്ച കമന്റുകളുമായി രംഗത്തെത്തിയത്.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/EXQMlwDgDmC55kywJLF9pj
Post A Comment: