ജിദ്ദ: കോവിഡ് മുൻ കരുതൽ ലംഘിച്ച സ്ഥാപനങ്ങൾക്കെതിരെ നടപടി. ജിദ്ദയിൽ 298 സ്ഥാപനങ്ങൾ ആണ് മുനിസിപ്പാലിറ്റി താഴിട്ടത്. കഴിഞ്ഞ രണ്ടു ദിവസത്തിനിടയിലാണ് ഇത്രയും സ്ഥാപനങ്ങൾ അടച്ചുപൂട്ടിയതെന്ന് മുനിസിപ്പാലിറ്റി ബ്രാഞ്ചുകളുടെ അണ്ടർ സെക്രട്ടറി എൻജി. മുഹമ്മദ് അൽമുതൈരി പറഞ്ഞു. ഈ മേഖലയിൽ മൊത്തം 8824 പരിശോധനകൾ നടത്തി. 341 നിയമലംഘനങ്ങൾ രേഖപ്പെടുത്തി.
കച്ചവട കേന്ദ്രങ്ങൾ, റസ്റ്റോറന്‍റുകൾ, കഫേകൾ തുടങ്ങിയവ പരിശോധിച്ചതിലുൾപ്പെടും. സിനിമ ഹാളുകൾ, വാണിജ്യ കോംപ്ലക്സിനും റസ്റ്റോറന്‍റുകൾക്കും അകത്തും പുറത്തുമുള്ള വിനോദ കേന്ദ്രങ്ങൾ, ജിം സെന്‍ററുകൾ, കായിക കേന്ദ്രങ്ങൾ, മണ്ഡപങ്ങൾ അടച്ചതായും അണ്ടർ സെക്രട്ടറി പറഞ്ഞു.
വിവിധ ബ്രാഞ്ച് ഓഫീസുകൾക്ക് കീഴിൽ പരിശോധന തുടരുമെന്നും എല്ലാവരും ആരോഗ്യ മുൻ കരുതൽ പാലിക്കണമെന്നും മുനിസിപ്പൽ അധികൃതർ ആവശ്യപ്പെട്ടു. രാജ്യത്തെ മറ്റു മേഖലകളിലും ആരോഗ്യ മുൻകരുതൽ പരിശോധന തുടരുകയാണ്. റിയാദിൽ 24 മണിക്കൂറിനുള്ളിൽ 114 സ്ഥാപനങ്ങൾ അടച്ചുപൂട്ടിയതായി റിയാദ് മുനിസിപ്പാലിറ്റി അറിയിച്ചു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: