ജനങ്ങൾക്കിടയിലേക്ക് ഇറങ്ങിച്ചെല്ലുന്നത് രാഹുൽ ഗാന്ധി എം.പിക്ക് പുതുമയല്ല. എന്നാൽ ഓട്ടോഗ്രാഫ് വാങ്ങാനെത്തിയ പെൺകുട്ടിയെ ചേർത്ത് പിടിച്ച് ഫോട്ടോയെടുത്താണ് രാഹുൽ താരമായത്. രാഹുലിനെ കെട്ടിപ്പിടിച്ച് പെൺകുട്ടി പൊട്ടിക്കരഞ്ഞതോടെ രംഗം സോഷ്യൽ മീഡിയയിലും ശ്രദ്ധ നേടി. കഴിഞ്ഞ ദിവസം പുതുച്ചേരിയിൽ ആണ് അതിവൈകാരികത നിറഞ്ഞ ഈ രംഗം അരങ്ങേറിയത്.
പുതുച്ചേരിയിലെ ഒരു സ്ക്കൂളിൽ സംവാദ പരിപാടിയിൽ പങ്കെടുക്കാൻ എത്തിയതായിരുന്നു രാഹുൽ. പരിപാടിക്കിടെ ഒരു സ്ക്കൂൾ വിദ്യാർഥിനി ഓട്ടോഗ്രാഫിനായി അദ്ദേഹത്തിന്‍റെ അടുത്ത് എത്തുകയായിരുന്നു. ഓട്ടോഗ്രാഫ് നൽകുന്നതിനിടെ പെൺകുട്ടി ആവേശംകൊള്ളുന്നത് കാണാം. പൊടുന്നനെ മുട്ടിലിരുന്ന രാഹുൽ പെൺകുട്ടിയെ ചേർത്തു പിടിച്ച് ഫോട്ടോയെടുക്കുകയായിരുന്നു.
കുട്ടിയോട് ക്യാമറയിൽ നോക്കാനാവശ്യപ്പെടുന്നതും ദൃശ്യത്തിലുണ്ട്. നിറകണ്ണുകളുമായി നിൽക്കുന്ന കുട്ടിയെ രാഹുൽ കവിളിൽത്തട്ടി ആശ്വസിപ്പിക്കുകയും ചെയ്യുന്നു. വീഡിയോ വൈറലാവാൻ അധികസമയം വേണ്ടിവന്നില്ല. പി.സി. വിഷ്‌ണുനാഥ്‌ അടക്കമുള്ളവർ വീഡിയോ സാമൂഹിക മാധ്യമങ്ങളിലൂടെ പങ്കുവെച്ചിട്ടുണ്ട്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: