മൂന്നു വർഷം കഴിഞ്ഞ് നാട്ടിലെത്തിയ യുവാവിനെ വരവേറ്റത് അഞ്ചു മാസം ഗർഭിണിയായ ഭാര്യ. തെലങ്കാനയിലെ നിസാമാബാദിലാണ് സംഭവം. ഒരാഴ്ച്ച മുമ്പാണ് ഭർത്താവ് ഗൾഫിൽ നിന്നും നാട്ടിലെത്തിയത്. വയറുവേദനയാണെന്ന് പറഞ്ഞ ഭാര്യയുമായി ഇയാൾ സമീപത്തെ ആശുപത്രിയിലെത്തി.
പരിശോധന നടത്തിയ ഡോക്ടര്‍ ഭാര്യ ഗര്‍ഭിണിയാണെന്ന് അറിയിക്കുകയായിരുന്നു. മൂന്നു വര്‍ഷമായി താന്‍ ഗള്‍ഫില്‍ ആണെന്നും അതിനാല്‍ ഇങ്ങനെ സംഭവിക്കാന്‍ ഇടയില്ല എന്നുമായിരുന്നു ഭര്‍ത്താവിന്‍റെ പ്രതികരണം.
പക്ഷെ ഡോക്ടര്‍ അടിവരയിട്ടു തന്നെ സംഭവം സത്യമാണെന്ന് പറഞ്ഞു. തുടര്‍ന്ന് ഭാര്യയോട് കാര്യം തിരക്കിയപ്പോഴാണ് ഞെട്ടിക്കുന്ന സംഭവം പുറത്തറിയുന്നത്.
ഇവരുടെ സമീപസ്ഥലത്ത് താമസിക്കുന്ന സുമന്‍ എന്നയാള്‍ തന്നെ നിരന്തരം ഭീഷണിപ്പെടുത്തുമായിരുന്നുവെന്നും ഒടുവില്‍ അയാളുടെ ലൈംഗിക താൽപര്യങ്ങള്‍ക്ക് വഴങ്ങേണ്ടി വന്നുവെന്നുമാണ് ഭാര്യ പറഞ്ഞത്.
ഗര്‍ഭിണിയാണെന്ന് അറിഞ്ഞതും ഗര്‍ഭം അലസിപ്പിക്കാന്‍ യുവതി തയാറെടുത്തെങ്കിലും അയാൾ സമ്മതിച്ചില്ല. പിന്നീട് യുവതിയുടെ പരാതി അനുസരിച്ച് സുമനെതിരേ ലൈംഗിക പീഡനത്തിന് കേസ് എടുത്തു.
വാട്‌സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/EXQMlwDgDmC55kywJLF9pj
Post A Comment: