കണ്ണിറുക്കിലൂടെ സിനിമാ പ്രേക്ഷകരുടെ മനസിൽ ഇടം നേടിയ നടിയാണ് പ്രിയവാര്യർ. മലയാളം കടന്ന് ഇന്ത്യൻ സിനിമയിലേക്കെത്തിയ നടിയുടെ ഒരു വീഡിയോ ഇപ്പോൾ സോഷ്യൽ മീഡിയയിൽ എത്തിയിരിക്കുകയാണ്.
നിഥിൻ നായകനായി എത്തുന്ന തെലുങ്ക് ചിത്രം ചെക്കാണ് താരത്തിന്റെ പുതിയ ചിത്രം. ഇപ്പോൾ സിനിമയുടെ ഷൂട്ടിങ്ങിനിടെയുണ്ടായ രസകരമായ സംഭവം ആരാധകരുമായി പങ്കുവച്ചിരിക്കുകയാണ് താരം. നിഥിന്റെ പുറത്തേക്ക് ചാടിക്കയറാൻ ശ്രമിക്കുന്നതിനിടെ താഴെ വീഴുന്ന പ്രിയ വാര്യപാണ് വിഡിയോയിൽ.
ചിത്രത്തിന്റെ ഗാന ചിത്രീകരണത്തിനിടെയാണ് പ്രിയക്ക് ചാട്ടം പിഴച്ചത്. നിഥിന്റെ പുറകിൽ ഓടിവന്ന് ചാടിക്കയറാനാണ് പ്രിയ ശ്രമിച്ചത്. എന്നാൽ വിചാരിച്ചതുപോലെ നടന്നില്ല. താരം നേരെ നിലത്തേക്ക് വീണു പോവുകയായിരുന്നു. നടി വീണതു കണ്ട് അണിയറക്കാർ ഓടി വരുന്നതും വിഡിയോയിൽ കാണാം. എന്നാൽ ഇതൊന്നും കാര്യമാക്കാതെ എഴുന്നേറ്റുവന്ന പ്രിയ തനിക്ക് പ്രശ്നമൊന്നുമില്ലെന്ന് നിഥിനോടും അണിയറ പ്രവർത്തകരോടും പറയുന്നതും വ്യക്തമാണ്.
ഞാൻ ശ്രമിക്കുമ്പോഴെല്ലാം തന്നെ വലിച്ചു താഴെയിടുന്ന ജീവിതത്തിന്റെ വിഷ്വൽ റെപ്രെസന്റേഷൻ എന്ന അടിക്കുറിപ്പിലാണ് വീഡിയോ പങ്കുവച്ചിരിക്കുന്നത്. അനുപമ പരമേശ്വരൻ, കൈലാഷ് മേനോൻ തുടങ്ങിയവർ വിഡിയോയിൽ കമന്റ് ചെയ്തിട്ടുണ്ട്. ചന്ദ്ര ശേഖർ സംവിധാനം ചെയ്ത ചെക്ക് സിനിമയിൽ നിഥിന്റെ നായികയായാണ് പ്രിയ എത്തുന്നത്.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
https://chat.whatsapp.com/FQzpIvEspNvGQ6pBFqkUly
Post A Comment: