ചെന്നൈ: കേരളത്തിൽ നിന്നെത്തുന്നവർക്ക് ഏഴ് ദിവസം ക്വാറന്‍റീൻ ഉൾപ്പെടെ നടപടികൾ കടുപ്പിച്ച് തമിഴ്‌നാട് സർക്കാർ. ഏഴ് ദിവസം നിർബന്ധിത ക്വാറന്‍റൈനു പുറമേ നിർബന്ധമായും വീട്ടിൽ നിരീക്ഷണത്തിൽ കഴിയണമെന്നും തമിഴ്‌നാട് സർക്കാർ നിർദേശിച്ചിട്ടുണ്ട്.
കേരളത്തിൽ കൊവിഡ് രൂക്ഷമായ സാഹചര്യത്തിലാണ് തീരുമാനം. അതിർത്തികളിൽ പരിശോധന കർശനമാക്കും. കേരളത്തിൽ നിന്നും എത്തുന്നവർ ആർടിപിസിആർ പരിശോധനാ ഫലം ഹാരജാക്കേണ്ടതില്ലെങ്കിലും ഇവർക്ക് തെർമൽ പരിശോധന നടത്തുമെന്നും അധികൃതർ വ്യക്തമാക്കുന്നു.
നേരത്തെ കർണാടകയും സമാനമായ രീതിയിൽ കേരളത്തിൽ നിന്ന് എത്തുന്നവർക്ക് നിയന്ത്രണങ്ങൾ ഏർപ്പെടുത്തിയിരുന്നു. കേരളത്തില്‍ നിന്ന് കർണാടകത്തിലേക്ക് വരുന്ന എല്ലാവരും ആർ ടി പി സി ആർ പരിശോധനാ സർട്ടിഫിക്കറ്റ് ഹാജരാക്കണമെന്നായിരുന്നു നിർദേശം.
ഇതോടെ കർണാടക സർക്കാരിനോട് കര്‍ണാടക ഹൈക്കോടതി വിശദീകരണം തേടി. ഹൈക്കോടതി ഇടപെടലിനെ തുടർന്ന് നിയന്ത്രണത്തിൽ ഇളവ് പ്രഖ്യാപിച്ചെങ്കിലും ഇളവുകൾ വ്യക്തമാക്കിയുള്ള പുതിയ സർക്കുലർ ഇതുവരെ ഇറങ്ങിയിട്ടില്ല.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
https://chat.whatsapp.com/FQzpIvEspNvGQ6pBFqkUly
Post A Comment: