പ്രണയിക്കുന്നവർക്ക് സമ്മാനങ്ങൾ കൈമാറുന്നത് പതിവ് കാഴ്ച്ചയാണ്. എന്നാൽ തേച്ചിട്ടു പോയ കാമുകനു സമ്മാനം നൽകുന്നതോ... അതൽപം കടന്ന കൈയാണ്. എന്നാൽ ഇവിടെ ഒരു യുവതി തേച്ച കാമുകനു നൽകിയ സമ്മാനം കണ്ട് കൈയടിക്കുകയാണ് സോഷ്യൽ മീഡിയ. ചൈനയിലെ ഷാങ്ഡോങ് സ്വദേശിനിയായ യുവതിയാണ് ബ്രേക്ക് അപ്പ് ആയ കാമുകനോടുള്ള ദേഷ്യം തീർക്കാൻ വേറിട്ട വഴി തെരഞ്ഞെടുത്തത്.
ഓൺലൈൻ വഴി ഒരു കപ്പ് ചായയാണ് ഇവർ മുൻ കാമുകനായി ഓർഡർ ചെയ്തത്. എന്നിട്ട് ഒരു പ്രത്യേക നിർദേശവും ഡെലിവറി ബോയിക്ക് നൽകിയിരുന്നു. അയാളോട് നല്ലതായി പെരുമാറേണ്ട കാര്യമില്ല. ഈ ചായ അയാളുടെ മുഖത്തേക്ക് ഒഴിച്ചാൽ മതിയാകും എന്നായിരുന്നു അഭ്യർഥന. ഉപഭോക്താവിന്റെ നിർദേശം അതേപടി പിന്തുടർന്ന ഡെലിവറി ബോയ് ചായ യുവാവിന്റെ മുഖത്തേക്ക് തന്നെ ഒഴിക്കുകയും ചെയ്തു.
ഈ സംഭവത്തിന്റെ വീഡിയോ ദൃശ്യങ്ങൾ പുറത്തായതോടെയാണ് വൈറലായത്. ഡെലിവറി ബോയ് ചായ മുഖത്തേക്കൊഴിക്കുമ്പോൾ കാര്യം അറിയാതെ അമ്പരന്ന് നിൽക്കുന്നയാളെയാണ് വീഡിയോയിൽ കാണാനാകുന്നത്. ഇതിനു ശേഷം ഓർഡർ റെസീപ്റ്റ് കാട്ടി അതിലെ നിർദേശത്തിലേക്ക് വിരൽ ചൂണ്ടുന്നുമുണ്ട്. തുടർന്ന് യുവാവിനോട് ഖേദം പ്രകടിപ്പിച്ച ശേഷമാണ് ഡെലിവറി ബോയ് മടങ്ങുന്നതെന്നാണ് ദൃശ്യങ്ങളിൽ നിന്നും ലഭിക്കുന്ന സൂചന.
അതേസമയം സംഭവത്തിൽ അന്വേഷണം നടക്കുന്നുണ്ടെന്നാണ് വീഡിയോയിൽ ഉൾപ്പെട്ട ഡെലിവറി ബോയ് ജോലി ചെയ്യുന്ന മെയ്ത്വാൻ ടേക്ക് എവേ സർവീസ് അധികൃതർ അറിയിച്ചത്. യുക്തിരഹിതമായ ഒരു ഓർഡർ ലഭിക്കുമ്പോൾ അത് ഉപഭോക്താവുമായി ആശയവിനിമയം നടത്താനോ അല്ലെങ്കിൽ ഓർഡർ കാന്സൽ ചെയ്യാനോ ആ ഡെലിവറി ബോയ് തയ്യാറാകണമായിരുന്നു എന്നാണ് ഇവരുടെ പ്രതികരണം എന്ന് ഓറിയന്റൽ ഡെയ്ലി റിപ്പോർട്ട് ചെയ്യുന്നു.
വാട്സാപ്പ് ഗ്രൂപ്പിൽ അംഗമാകുവാൻ
Post A Comment: