സെലിബ്രിറ്റികളെ പൊതു സ്ഥലങ്ങളിൽ കണ്ടാൽ ആളുകൾ ഓടിക്കൂടുന്നത് സാധാരമാണ്. എന്നാൽ കഴിഞ്ഞ ദിവസം ഹോട്ടലിലെത്തിയ ബോളിവുഡ് താരം ദീപിക പദുക്കോണിനു നേരിട്ടത് ദുരനുഭവം ആയിരുന്നു.
ഷൂട്ടിന് ശേഷം ഹോട്ടലില്‍ ഭക്ഷണം കഴിക്കാനെത്തിയ ബോളിവുഡ് നടി ദീപിക പദുക്കോണിനെ ഒരു കൂട്ടം യുവതികൾ വളയുകയായിരുന്നു. മുംബൈയിലെ ഖാറിലുള്ള ടൊറി ഹോട്ടലില്‍ വ്യാഴാഴ്ച വൈകീട്ടായിരുന്നു സംഭവം. ഇഷ്ടതാരത്തെ തൊട്ടുമുന്നിൽ കണ്ടതോടെ ഹോട്ടലിന് മുന്നില്‍ ഏതാനും യുവതികള്‍ തടിച്ചുകൂടി.
ദീപകയുടെ ശ്രദ്ധ കവരാൻ അവർ ശബ്‌ദം ഉണ്ടാക്കി. ദീപിക ഹോട്ടലിൽ നിന്ന് ചിരിച്ചുകൊണ്ട് ഇറങ്ങി വന്നു. അതിനിടയിലാണ് ദീപികയുടെ വലതു തോളിൽ കിടന്ന ഹാൻഡ് ബാഗിൽ പിടിച്ച് ഒരു യുവതി വലിച്ചത്. ഭർത്താവും നടനുമായ രൺവീർ സിങ് ആ സമയം ഒപ്പം ഉണ്ടായിരുന്നില്ല. ഏക് മിനിറ്റ്, ഏക് മിനിറ്റ് എന്ന് ഉച്ചത്തിൽ പറഞ്ഞുകൊണ്ടായിരിക്കുന്നു യുവതി ബാഗിൽ വലിച്ചത്. ഇതോടെ ദീപികയുടെ സെക്യൂരിറ്റി ഇടപ്പെട്ട് അവരെ അനുനയിപ്പിച്ച് മാറ്റുകയായിരുന്നു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
Post A Comment: