രണ്ടാമത്തെ പ്രസവം കഴിയുന്നതോടെ തന്നെ പ്രസവം നിർത്തുന്നതാണ് ഇപ്പോൾ പതിവ്. എന്നാൽ സ്വന്തമായി 100 കുട്ടികൾ എങ്കിലും വേണമെന്ന് ആഗ്രഹിക്കുന്ന 23 കാരിയുടെ വാർത്തയാണ് അന്താരാഷ്ട്ര മാധ്യമങ്ങൾ പുറത്തു വിടുന്നത്.
23 വയസിനുള്ളിൽ 11 കുഞ്ഞുങ്ങളുടെ അമ്മയായ റഷ്യൻ സ്വദേശിനിയാണ് ഈ ആഗ്രഹം പങ്കുവയ്ക്കുന്നത്. റഷ്യന്‍ സ്വദേശിയായ കോടീശ്വരി ക്രിസ്റ്റീന ഓസ്ടുര്‍ക്ക് നിലവില്‍ 11 കുഞ്ഞുങ്ങളുടെ അമ്മയാണ്.
കുഞ്ഞുങ്ങളുടെ എണ്ണം 100 ആകുന്നതുവരെ കുഞ്ഞുങ്ങളുണ്ടാവുന്നത് നിര്‍ത്താന്‍ ഉദ്ദേശിക്കുന്നില്ലെന്നാണ് ക്രിസ്റ്റീന പറയുന്നത്. ഭര്‍ത്താവ് ഗലിപ് ഓസ്ടുര്‍ക്കിനൊപ്പം ജോര്‍ജിയയിലാണ് ക്രിസ്റ്റീന താമസിക്കുന്നത്. പതിനൊന്ന് കുഞ്ഞുങ്ങളില്‍ ഒരാളെ മാത്രമാണ് ക്രിസ്റ്റീന ഗര്‍ഭം ധരിച്ചത്. മറ്റ് പത്ത് പേരും വാടക ഗര്‍ഭധാരണത്തിലൂടെയുള്ളവരാണ്. ഓരോ വാടക ഗര്‍ഭധാരണത്തിനും 8000 യൂറോയാണ് ക്രിസ്റ്റീന ചെലവിട്ടിരിക്കുന്നത്.
ആറ് വര്‍ഷം മുന്‍പാണ് ക്രിസ്റ്റീനയുടെ ആദ്യത്തെ മകള്‍ ജനിക്കുന്നത്. തുടക്കത്തില്‍ എത്ര മക്കളോടെ നിര്‍ത്തണമെന്ന് തനിക്ക് ധാരണയില്ലായിരുന്നുവെന്നും എന്നാല്‍ ഇപ്പോള്‍ നൂറ് മക്കളെങ്കിലും വേണമെന്നാണ് തന്‍റെ ആഗ്രഹമെന്നും ക്രിസ്റ്റീന പറയുന്നു.
വാട്‌സാപ്പ് ഗ്രൂപ്പിൽ അംഗമാകുവാൻ
Post A Comment: