ആലപ്പുഴ: വിവാഹത്തിനു മുമ്പേ നവ വധു ഗർഭിണിയായ സംഭവത്തിൽ ഭർത്താവിന്റെ സുഹൃത്ത് അറസ്റ്റിൽ. കരൂർ മാളിയേക്കൽ നൈസാമാണ് (47) അറസ്റ്റിലായത്. അമ്പലപുഴ പൊലീസാണ് ഇയാളെ പിടികൂടിയത്.
നൈസാമിന്റെ കടയിൽ ജോലി ചെയ്തിരുന്ന പെൺകുട്ടിയാണ് വിവാഹത്തിന് മുമ്പ് ഗർഭിണിയായെന്ന് കണ്ടെത്തിയത്. കഴിഞ്ഞ അഞ്ചു വര്ഷത്തിലേറെയായി നൈസാമിന്റെ വ്യാപാര സ്ഥാപനത്തില് ജോലി ചെയ്തു വരികയായിരുന്നു യുവതി.
ഡിസംബര് 18ന് വിവാഹിതയായ യുവതി ഗര്ഭിണിയായതിനെ തുടര്ന്ന് കഴിഞ്ഞ ദിവസം ആലപ്പുഴ മെഡിക്കല് കോളജ് ആശുപത്രിയില് ചികിത്സ തേടിയിരുന്നു. ഇവിടെ നടത്തിയ പരിശോധനയില് വിവാഹത്തിന് മുമ്പേ യുവതി ഗര്ഭിണിയാണെന്ന വിവരം ഭര്തൃവീട്ടുകാര് അറിഞ്ഞു. ഇതോടെയാണ് അഞ്ചുവര്ഷത്തോളം നീണ്ട പീഡനവിവരം പുറത്തായത്.
നൈസാം മുന്കൈയെടുത്താണ് തന്റെ പരിചയത്തിലുള്ള യുവാവിനെക്കൊണ്ട് യുവതിയെ വിവാഹം കഴിപ്പിച്ചത്. 16 വയസു മുതല് നൈസാം പീഡനത്തിനിരയാക്കിയിരുന്നതായാണ് യുവതിയുടെ മൊഴി.
മുമ്പൊരിക്കല് എതിര്പ്പു പ്രകടിപ്പിച്ചതിനെ തുടര്ന്ന് പെണ്കുട്ടിയെ കടയില് നിന്നും പുറത്താക്കിയ നൈസാം മാസങ്ങള്ക്കു ശേഷം വീട്ടിലെത്തി ജോലിക്ക് തിരികെ കൊണ്ടുപോയിരുന്നു. ഉപദ്രവമുണ്ടാകില്ല എന്ന ഉറപ്പിന്മേലായിരുന്നു. എന്നാല് ജോലിയില് പ്രവേശിച്ചശേഷം നിരന്തരം ശാരീരികമായി ഉപദ്രവിക്കുകയും ആലപ്പുഴയിലെ ലോഡ്ജ് മുറിയിലെത്തിച്ച് മദ്യം നല്കി പീഡിപ്പിക്കുകയും സുഹൃത്തുക്കള്ക്ക് കാഴ്ചവയ്ക്കാന് ശ്രമിക്കുകയും ചെയ്തു എന്ന് പെണ്കുട്ടി മൊഴി നല്കി.
യുവതിയുടെ കുടുംബത്തിന്റെ സാമ്പത്തിക പിന്നോക്കാവസ്ഥ ചൂഷണം ചെയ്തായിരുന്നു പീഡനം. നൈസാമിനെ പ്രദേശവാസികള് തടഞ്ഞു വച്ചു മര്ദിച്ച ശേഷം പൊലീസില് ഏല്പ്പിക്കുകയായിരുന്നു. ദേഹമാസകലം പരിക്കേറ്റ നൈസാമിനെ ആലപ്പുഴ മെഡിക്കല് കോളജില് അടിയന്തര ചികിത്സ നല്കിയ ശേഷം അമ്പലപ്പുഴ കോടതിയില് ഹാജരാക്കി റിമാന്ഡ് ചെയ്തു.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/HQ0SnBGiTEQ6GoGsYAgBsN
Post A Comment: