ഇടുക്കി: റോഡിൽ കിടന്നു കിട്ടിയ മദ്യം കഴിച്ച് യുവാവ് മരിച്ച സംഭവത്തിൽ വൻ ട്വിസ്റ്റ്. സംഭവത്തിൽ മരിച്ചയാളുടെ ബന്ധു കൊലക്കുറ്റത്തിന് അറസ്റ്റിലായി. സുഹൃത്തിനെ കൊലപ്പെടുത്താൻ നടത്തിയ നീക്കമാണ് ബന്ധുവിന്റെ മരണത്തിൽ കലാശിച്ചതെന്ന് അറസ്റ്റിലായ പ്രതി കുറ്റ സമ്മതം നടത്തി.
ജനുവരി എട്ടിന് രാവിലെയാണ് അടിമാലി അഫ്സരകുന്നിലാണ് സംഭവം നടന്നത്. പ്രദേശവാസി പടയാട്ടില് കുഞ്ഞുമോൻ എന്നയാളാണ് മരിച്ചത്. ഇയാളുടെ ബന്ധു സുധീഷാണ് ഇപ്പോൾ അറസ്റ്റിലായിരിക്കുന്നത്. ഇവർക്കൊപ്പമുണ്ടായിരുന്ന മനോജിനെ കൊലപ്പെടുത്താൻ മദ്യത്തിൽ കീടനാശിനി കലർത്തുകയായിരുന്നുവെന്ന് സുധീഷ് മൊഴി നൽകി.
ബീവറേജില് നിന്നും മദ്യം വാങ്ങിയ ശേഷം വിഷം കലർത്തുകയായിരുന്നു. മദ്യം കൊണ്ടുപോയി കൊടുത്തത് സുധീഷ് തന്നെയാണ്. സംശയത്തെ തുടര്ന്ന് നടത്തിയ ചോദ്യം ചെയ്യലിലാണ് കൊലപാതകം ആണെന്ന് തെളിഞ്ഞത്.
അനില് കുമാര്, കുഞ്ഞുമോന്, മനോജ് എന്നിവര് ചേര്ന്നാണ് മദ്യം കഴിച്ചതും പിന്നീട് അവശനിലയിലായതും. ആദ്യം അടിമാലി താലൂക്ക് ആശുപത്രിയില് എത്തിച്ച ഇവരെ പിന്നീട് കോട്ടയം മെഡിക്കല് കോളജിലേക്ക് മാറ്റി.
ചികിത്സയിലിരിക്കെ ജനുവരി 12 നാണ് അടിമാലി പടയാട്ടില് കുഞ്ഞുമോന് മരിച്ചത്. വഴിയില് കിടന്ന് ലഭിച്ചെന്ന് പറഞ്ഞ് സുധീഷാണ് മദ്യം മദ്യം നല്കിയതെന്ന് ചികിത്സയിലുള്ളവര് പൊലീസ് മൊഴി നല്കിയിരുന്നു. കത്തിച്ച നിലയില് മദ്യക്കുപ്പിയും പൊലീസ് പിന്നീട് കണ്ടെടുത്തുകയും ചെയ്തു. സംഭവം കൊലപാതകമെന്ന സംശയത്തില് പൊലീസ് അന്വേഷണം ഊര്ജിതമാക്കുകയായിരുന്നു.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/Jzacc9s6wvDEsjJosxohlq
വീണ്ടും കൂട്ട ബലാത്സംഗം; 22 കാരിയെ ഫ്ലാറ്റിലെത്തിച്ച് ജ്യൂസ് കൊടുത്ത് മയക്കി പീഡിപ്പിച്ചു
കോഴിക്കോട്: ജ്യൂസില് മയക്കുമരുന്ന് കലര്ത്തി നല്കി 22 കാരിയെ കൂട്ട ബലാത്സംഗം ചെയ്തു. കോഴിക്കോട് പന്തീരങ്കാവിലാണ് സംഭവം. സംഭവത്തില് ചേവായൂര് സ്വദേശികളായ മൂന്നുപേരെ പൊലീസ് കസ്റ്റഡിയില് എടുത്തു.
പ്രതികളെ വിശദമായി ചോദ്യം ചെയ്ത് വരികയാണ്. അതിന് ശേഷമാകും അറസ്റ്റ് ചെയ്യുക.
രണ്ട് ദിവസം മുമ്പാണ് യുവതി പൊലീസില് പരാതി നല്കിയത്. ഏറെ കാലം മുമ്പാണ് സംഭവമെന്നാണ് യുവതി പരാതിയില് പറയുന്നത്. സോഷ്യല് മീഡിയ വഴി പരിചയപ്പെടുകയും അടുപ്പം സ്ഥാപിക്കുകയും തുടര്ന്ന് ഫ്ളാറ്റിലെത്തിച്ച് പീഡിപ്പിക്കുകയുമായിരുന്നു.
പൊലീസില് പരാതി ലഭിച്ച ശേഷം വിശദ അന്വേഷണം നടത്തി. ഇന്നലെ കേസ് എടുത്ത് എഫ്ഐആര് രജിസ്റ്റര് ചെയ്തു. പിന്നാലെ ഇന്ന് മൂന്ന് പ്രതികളെ കസ്റ്റഡിയിലെടുത്തു. ഇനി ഒരാള് കൂടി പിടിയിലാകുന്നുണ്ടെന്നാണ് പൊലീസ് പറയുന്നത്. ഇയാള്ക്കായുള്ള തെരച്ചില് ഊര്ജ്ജിതമാക്കിയിരിക്കുകയാണ് പൊലീസ്.
Post A Comment: