ലക്‌നൗ: ഹത്രാസിൽ കൊടിയ പീഡനത്തിനിരയായി കൊലപ്പെട്ട പെൺ കുട്ടിയുടെ അസ്ഥി ശേഖരിച്ച് കുടുംബം. ബന്ധുക്കൾക്ക് കാണാൻ പോലും അവസരം നൽകാതെയാണ് പെൺകുട്ടിയുടെ മൃതദേഹം പൊലീസ് ദഹി പ്പിച്ചത്. പെൺകുട്ടിയുടെ ചിതയിൽ നിന്നും വീട്ടുകാർ അസ്ഥി ശേഖരിക്കുന്ന ചിത്രങ്ങൾ ഇപ്പോൾ പുറത്തു വന്നു. മതപരമായി ബാക്കിയുള്ള കർമങ്ങൾ ചെയ്യാനാണ് കുടുംബം അസ്ഥി ശേഖരിച്ചത്.
മകളുടെ മൃതദേഹം ആചാരപ്രകാരമല്ല സംസ്കരിച്ചതെന്നും പൊലീസ് പെട്രോൾ ഒഴിച്ച് കത്തിക്കുകയായിരുന്നെന്നും കുടുംബം വെളിപ്പെടുത്തിയിരുന്നു. ഇതിന്‍റെ ഭാഗമായി എല്ലിൻ കഷണങ്ങൾ വലിയ ഭാഗങ്ങളായി തന്നെ ചിതയിൽ കിടക്കുന്നതും കാണാം. അവളുടെ ചിതയിൽനിന്നു അവശേഷിച്ച അസ്ഥികൾ കൈകൾ കൊണ്ട് ശേഖരിക്കുന്ന സഹോദരന്‍റെ ദൃശ്യങ്ങളും പുറത്തുവന്നിട്ടുണ്ട്. വിശ്വാസപ്രകാരം മൃതദേഹത്തോട് കാണിക്കേണ്ട ആദരവ് പോലും പൊലീസ് കാണിച്ചില്ല എന്നു ഈ ദൃശ്യങ്ങളിൽനിന്നുതന്നെ വ്യക്തമാണ്.
വാട്സാപ്പ് ഗ്രൂപ്പിൽ അംഗമാകുവാൻ ഈ ലിങ്ക് ക്ലിക്ക് ചെയ്യുമല്ലോ..
Post A Comment: