ശരീരത്തിലുണ്ടാകുന്ന പാടുകൾ പലപ്പോഴും മാനസിക സമ്മർദങ്ങൾക്ക് വരെ കാരണമാകാറുണ്ട്. ഇത്തരത്തിൽ സ്ത്രീകൾ നേരിടുന്ന പ്രധാന പ്രശ്‌നങ്ങളിൽ ഒന്നാണ് സ്‌തനങ്ങളിൽ ഉണ്ടാകുന്ന കുരുക്കൾ. വിവാഹത്തിനൊരുങ്ങുന്ന സ്ത്രീകൾക്കടക്കം വലിയ മാനസിക സമ്മർദത്തിന് ഇത് കാരണമാകാറുണ്ട്. എന്നാൽ പലരും ചികിത്സ തേടാൻ മിനക്കെടാറില്ല.
കാരണങ്ങൾ പലത്
സ്‌തനങ്ങളിൽ കുരുക്കളുണ്ടാകാൻ പല കാരണങ്ങളുണ്ട്. സ്‌തന ചർമം വളരെ സെൻസിറ്റീവായ ഒന്നാണ്. ഈ ഭാഗത്തും ഹെയർ ഫോളിക്കിളുകളുണ്ട്. ഇത്തരം ഫോളിക്കിളുകളിൽ സെബവും വിയർപ്പും എല്ലാം കൂടുതലായിരിക്കും. ഇവ ചേർന്ന് അണുബാധയുണ്ടാകുന്നതാണ് ഇവിടെ കുരുക്കളുണ്ടാക്കാൻ കാരണമാകുന്നത്.
ഇതിന് പ്രധാനപ്പെട്ട ഒരു കാരണം സ്‌തന വലിപ്പം കൂടുന്നതാണ്. സ്‌തനങ്ങൾക്ക് വലിപ്പം കൂടുമ്പോൾ ഇടയിലെ വായു സഞ്ചാരം കുറയുന്നു. ഈ ഭാഗം കൂടുൽ ഇറുകുന്നു. ഇതിലൂടെ സമ്മർദ്ദവും ഈർപ്പവുമുണ്ടാകും. ഇതാണ് കുരുക്കൾക്കുള്ള സാധ്യത വർധിപ്പിക്കുന്നത്.
ഇറുകിയ ബ്രാ ധരിക്കുന്നതും ഇത്തരം കുരുക്കൾക്ക് കാരണമാകാറുണ്ട്. അത്തരം ബ്രാ ധരിക്കുന്നത് ഇവിടെ തൂക്കം കൂടാനും വായു സഞ്ചാരം കുറയാനും കാരണമാകുന്നു. ഇത് കുരുക്കൾ വർധിക്കാനുള്ള ഒരു കാരണമാണ്.
ഈ ഭാഗത്ത് ഹെയർ റിമൂവൽ ക്രീം, പെർഫ്യൂം ഉപയോഗം, വാക്‌സിങ്, സ്പ്രേ എന്നിവയെല്ലാം ഉപയോഗിക്കുന്നത് കുരുക്കൾ വരാനുള്ള പ്രധാനപ്പെട്ട മറ്റൊരു കാരണമാണ്. ഇത് പോലെ ഹോർമോൺ വ്യത്യാസങ്ങൾ ഈ ഭാഗത്ത് കുരുക്കൾ വളരാൻ കാരണമാകും.
ഹോർമോൺ വ്യത്യാസങ്ങൾ സ്‌തനങ്ങളെയും ബാധിക്കും. സ്ത്രീകളിൽ പുരുഷ ഹോർമോൺ കൂടുതൽ ഉൽപ്പാദിപ്പിക്കുന്ന അവസ്ഥകളുണ്ടാകാറുണ്ട്. ഇത് കുരുക്കൾ ഉണ്ടാകാനുള്ള പ്രധാനപ്പെട്ട ഒരു കാരണമാണ്. ഇത്തരം ഹോർമോണുകൾ സെബം കൂടുതൽ ഉൽപാദിപ്പിക്കാൻ കാരണമാകുന്നു. ഇതിനാൽ തന്നെയും കുരുക്കൾ കൂടുതലുണ്ടാകുകയും ചെയ്യുന്നു.
ചില പ്രത്യേക ഭക്ഷണങ്ങൾ കഴിക്കുന്നതും ഇത്തരം പ്രശ്‌നങ്ങളുണ്ടാകാൻ പ്രധാനപ്പെട്ട കാരണമാണ്. ട്രാൻസ്‌ഫാറ്റ്, കോംപ്ലക്‌സ് കാർബോഹൈഡ്രേറ്റുകൾ എന്നിവയെല്ലാം തന്നെ ഇതിന് കാരണമാകുന്നു. ഇത് ശരീരത്തിൽ കൂടുതൽ ഭാരമുണ്ടാക്കുന്നു.
അമിതമായ കൊഴുപ്പ് ശരീരത്തിൽ സ്‌തന ഭാഗത്ത് അടിഞ്ഞു കൂടാൻ ഇടയാക്കുന്നു. ഇത് കുരുക്കൾ ഉണ്ടാക്കാൻ കാരണമാകുന്നു. ഇത് പോലെ തന്നെ സ്‌ട്രെസ് കൂടുന്നത് ഇതിനുള്ള മറ്റൊരു കാരണമാണ്. ഇത് കോർട്ടിസോൾ ഉത്പാദനം വർധിപ്പിക്കുന്നു. ഇതിനാൽ സെബം കൂടുതൽ ഉത്പാദിപ്പിക്കപ്പെടുന്നു. ഇതും കുരുക്കൾ വർധിക്കാൻ കാരണമാകുന്നു.
വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ....
https://chat.whatsapp.com/DnZkuEEgZHP5lo60i9Xm4L
Post A Comment: