നടി ഷഹാനയുടെ മരണം; ഭർത്താവിനെതിരെ കേസെടുത്തു

കോഴിക്കോട്: നടിയും മോഡലുമായ ഷഹന(20)യെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. കോഴിക്കോട് ചേവായൂരിലാണ് സംഭവം നടന്നത്. മൃതദേഹം കണ്ടതിനു പിന്നാലെ ഭർത്താവ് സജാദിനെതിരെ പൊലീസ് കേസെടുത്തിട്ടുണ്ട്. കാസർകോഡ് സ്വദേശിനിയാണ് ഷഹന. ജനലഴിയിൽ തൂങ്ങി മരിച്ച നിലയിലായിരുന്നു മൃതദേഹം.  

ഷഹനയുടെ മരണം കൊലപാതകമാണെന്നും ആത്മഹത്യ ചെയ്യാനുള്ള പ്രശ്‌നങ്ങളില്ലെന്നും ബന്ധുക്കൾ ആരോപിച്ചു. പണത്തിനു വേണ്ടി സജാദ് ഷഹനയെ ഉപദ്രവിച്ചിരുന്നതായി ഷഹനയുടെ മാതാവ് പറഞ്ഞു. 

സജാദും ഷഹനയും തമ്മിൽ ഒന്നര വർഷം മുമ്പാണ് വിവാഹം കഴിച്ചത്. ഇതിനിടയിൽ കുടുംബവുമായി നേരിട്ട് കാണാൻ പോലും കഴിഞ്ഞിരുന്നില്ല. കോഴിക്കോട് എത്തുമ്പോൾ സജാദിന്‍റെ സുഹൃത്തുക്കൾ പിന്തുടർന്ന് തിരിച്ചയക്കുമായിരുന്നു. അയൽവീട്ടുകാർ വിളിച്ചറിയിച്ചപ്പോഴാണ് മകളുടെ മരണ വിവരം അറിഞ്ഞതെന്നും ബന്ധുക്കൾ പറഞ്ഞു. 

‌വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/HxWx8BgbjGxEl0CFwV9FYd