കാർ മരത്തിൽ ഇടിച്ച് മൂന്ന് മരണം; രണ്ട് പേർക്ക് പരുക്ക്

കൽപ്പറ്റ: വയനാട് മുട്ടിൽ വാര്യാട് വാഹനാപകടത്തിൽ മൂന്ന് പേർ മരിച്ചു. നിയന്ത്രണം വിട്ട കാർ മരത്തിൽ ഇടിക്കുകയായിരുന്നു. പുലർച്ചെയാണ് അപകടം നടന്നത്. പുൽപ്പള്ളി സ്വദേശി അനന്തു, പാലക്കാട് സ്വദേശികളായ യദു, മിഥുൻ എന്നിവരാണ് മരിച്ചത്. 

അഞ്ച് പേർ കാറിലുണ്ടായിരുന്നതായിട്ടാണ് വിവരം. അപകടത്തിൽപെട്ടവർ പാലക്കാട്ടെ കോളെജ് വിദ്യാർഥികളാണെന്നാണ് വിവരം. മരിച്ചവരുടെ മൃതദേഹങ്ങൾ കൽപ്പറ്റയിലെ സ്വകാര്യ ആശുപത്രിയിലും ജനറൽ ആശുപത്രിയിലുമായി സൂക്ഷിച്ചിരിക്കുകയാണ്.  

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/JADaOBrSTxqKfsrW1ZkLRV

സംസ്ഥാനത്ത് ഇന്നും ശക്തമായ മഴ 

തിരുവനന്തപുരം: സംസ്ഥാനത്ത് ഇന്നും ശക്തമായ മഴ തുടരുമെന്ന് കാലാവസ്ഥാ നിരീക്ഷണ കേന്ദ്രത്തിന്‍റെ മുന്നറിയിപ്പ്. 11 ജില്ലകളിൽ യെല്ലോ അലർട്ട് പുറപ്പെടുവിച്ചിട്ടുണ്ട്. ആലപ്പുഴ, കോട്ടയം, ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണ് ഇന്ന് യെല്ലോ അലർട്ടുള്ളത്. 

ഒറ്റപ്പെട്ടയിടങ്ങളിൽ അതിശക്തമായ മഴയ്ക്ക് സാധ്യതയുണ്ടെന്നും മുന്നറിയിപ്പുണ്ട്. ഗുജറാത്ത് തീരം മുതൽ കർണാടക തീരം വരെ നിലനിൽക്കുന്ന ന്യൂനമർദ പാത്തിയും ഒഡീഷ- ആന്ധ്ര പ്രദേശ് തീരത്തിനു സമീപത്തുള്ള ചക്രവാതചുഴിയും അനുബന്ധ കാലാവർഷക്കാറ്റുകളുമാണ് മഴ ശക്തമാകാൻ കാരണമാകുന്നത്. തീര ദേശത്ത് ശക്തമായ തിരമാലകൾക്കും സാധ്യതയുണ്ട്. മത്സ്യത്തൊഴിലാളികൾ കടലിൽ പോകരുതെന്ന് നിർദേശിച്ചിട്ടുണ്ട്. 

‌