ആറ് വയസുകാരിയുടെ സ്വകാര്യ ഭാഗത്ത് തിളച്ച എണ്ണ ഒഴിച്ചു; വളർത്തമ്മ അറസ്റ്റിൽ

ലക്‌നൗ: ആറ് വയസുള്ള പെൺകുട്ടിയുടെ സ്വകാര്യ ഭാഗത്ത് വളർത്തമ്മ തിളച്ച എണ്ണ ഒഴിച്ചു. ഉത്തർപ്രദേശിലെ താക്കൂർഗഞ്ച് പൊലീസ് സ്റ്റേഷൻ പരിധിയിലാണ് സംഭവം നടന്നത്. ഗുരുതരമായി പരുക്കേറ്റ കുട്ടിയെ ആശുപത്രിയിൽ പ്രവേശിച്ചിപ്പിച്ചിട്ടുണ്ട്. സംഭവത്തിൽ കുട്ടിയുടെ രണ്ടാനമ്മയായ പൂനം എന്ന 35 കാരിയെ പൊലീസ് അറസ്റ്റ് ചെയ്‌തു.

കുട്ടിയുടെ വളർത്തഛൻ അജയ്കുമാറാണ് പൊലീസിൽ വിവരം അറിയിച്ചത്. ദമ്പതികൾ ഇല്ലാത്തതിനെ തുടർന്ന് അജയ്കുമാറാണ് കുട്ടിയെ ദത്തെടുത്തത്. ആറ് മാസം മുമ്പാണ് കുട്ടിയെ ഇവർ വീട്ടിലേക്ക് കൊണ്ടുവന്നത്. കുട്ടിയെ ദത്തെടുക്കുന്നത് പൂനത്തിന് ഇഷ്‌ടമില്ലായിരുന്നു. 

കുട്ടിയെ വീട്ടിൽ കൊണ്ടുവന്നതു മുതൽ പൂനം കുട്ടിയെ ഉപദ്രവിക്കുന്നത് പതിവായിരുന്നു. ഇത്തരത്തിൽ ഉപദ്രവിക്കുന്നതിനിടെയാണ് സ്വകാര്യ ഭാഗത്ത് തിളച്ച എണ്ണ അടക്കം ഒഴിച്ചതെന്നും പരാതിയിൽ പറയുന്നു.  

വാട്‌സാപ്പ് ഗ്രൂപ്പിൽ അംഗമാകുവാൻ

https://chat.whatsapp.com/L2USinQQ81H1Nq4VBIiX94

ഇടുക്കിയിലെ വിവിധ പ്രദേശങ്ങളിൽ നാളെ അവധി

ഇടുക്കി: ജില്ലയിൽ മഴ ശക്തമായി തുടരുന്ന സാഹചര്യത്തിൽ ദേവികുളം താലൂക്ക്, ഉടുമ്പഞ്ചോല താലൂക്കിലെ ബൈസൺവാലി - ചിന്നക്കനാൽ പഞ്ചായത്തുകളിലെ വിദ്യാഭ്യാസ സ്ഥാപനങ്ങൾക്ക് നാളെ (ജൂലൈ-15) അവധി പ്രഖ്യാപിച്ചു. പ്രദേശങ്ങളിൽ ശക്തമായ മഴയും കാറ്റും തുടരുന്ന സാഹചര്യത്തിലാണ് ജില്ലാ കലക്റ്ററുടെ പ്രഖ്യാപനം. 

അംഗൻവാടികൾ, നഴ്സറികൾ,  CBSE, ICSE സ്ഥാപനങ്ങൾ, സ്കൂളുകൾ, പ്രൊഫഷ്ണൽ കോളെജുകൾ ഉൾപ്പെടെയുള്ള എല്ലാ വിദ്യാഭ്യാസ  സ്ഥാപനങ്ങൾക്കും അവധി ആയിരിക്കുമെന്ന് ജില്ലാ കലക്റ്റർ അറിയിച്ചു. മുൻകൂട്ടി നിശ്ചയിച്ച പരീക്ഷകൾക്കും, ഇന്‍റർവ്യൂകൾക്കും മാറ്റമുണ്ടായിരിക്കില്ല. വയനാട് ജില്ലയിലും നാളെ അവധി പ്രഖ്യാപിച്ചിട്ടുണ്ട്. 

വയനാട്ടിൽ നാളെ സ്‌കൂൾ അവധി 

കൽപ്പറ്റ: കനത്ത മഴ തുടരുന്ന സാഹചര്യത്തിൽ വയനാട് ജില്ലയിലെ പ്രൊഫഷ്‌ണൽ കോളെജ് ഉൾപ്പെടെയുള്ള എല്ലാ വിദ്യാഭാസ സ്ഥാപനങ്ങൾക്കും നാളെ (ജൂലൈ 15) അവധി പ്രഖ്യാപിച്ചു. ദുരിതാശ്വാസ ക്യാമ്പ് പ്രവർത്തിക്കുന്ന സ്‌കൂളുകൾക്കും അവധി ബാധകമായിരിക്കും.

മോഡൽ റസിഡൻസ് സ്‌കൂളുകൾക്ക് അവധി ബാധകമാകില്ല. അവധി ദിവസം വിദ്യാർഥികൾ വെള്ളക്കെട്ടും ജലാശയങ്ങളും കാണാൻ പോകുന്നത് രക്ഷിതാക്കൾ നിയന്ത്രിക്കണമെന്ന് ജില്ലാ കലക്റ്റർ അറിയിച്ചു. 

സംസ്ഥാനത്ത് കനത്ത മഴ തുടരുമെന്നാണ് കാലാവസ്ഥാ നിരീക്ഷണ കേന്ദ്രത്തിന്‍റെ മുന്നറിയിപ്പ്. ഇന്ന് നാല് ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. ഇടുക്കി, വയനാട്, കണ്ണൂർ, കാസർകോട്, ജില്ലകളിലാണ് തീവ്ര മഴയ്ക്കുള്ള സാധ്യത പ്രവചിക്കുന്നത്. ശക്തമായ കാറ്റിനു സാധ്യതയുള്ളതിനാൽ ജാഗ്രത പാലിക്കാൻ നിർദേശിച്ചിട്ടുണ്ട്.