ചെന്നൈ: മലയാളി റെയിൽവെ ജീവനക്കാരിക്കെതിരെ ക്രൂരമായ ആക്രമണം. തമിഴ്നാട്ടിലെ ചെങ്കോട്ടയ്ക്കടുത്ത് പാവൂർഛത്രത്തിലാണ് കൊല്ലം സ്വദേശിനി ആക്രമിക്കപ്പെട്ടത്. ഗുരുതരമായി പരുക്കേറ്റ ജീവനക്കാരിയെ തിരുനെല്വേലി ആശുപത്രിയില് പ്രവേശിപ്പിച്ചു.
ഇന്നലെ രാത്രി എട്ടിനും ഒന്പതിനും ഇടയിലാണ് സംഭവം. ഗാര്ഡ് റൂമിനകത്ത് ഫോണ് ചെയ്യുന്നതിനിടെ, അക്രമി മുറിയില് അതിക്രമിച്ച് കയറി യുവതിയെ ആക്രമിക്കുകയായിരുന്നു. അക്രമി കല്ലുകൊണ്ട് യുവതിയുടെ മുഖത്ത് ഇടിച്ചു. രക്ഷപ്പെടാന് പുറത്തേയ്ക്ക് ഓടിയ യുവതിയെ കടന്നുപിടിക്കുകയും ട്രാക്കിലൂടെ വലിച്ചിഴയ്ക്കുകയും ചെയ്തു. തന്നെ പീഡിപ്പിക്കാന് ശ്രമിച്ചതായും യുവതിയുടെ പരാതിയില് പറയുന്നു.
തുടര്ന്ന് അക്രമിയില് നിന്ന് കുതറിമാറി യുവതി ഓടി രക്ഷപ്പെടുകയായിരുന്നു. ഗുരുതരമായി പരുക്കേറ്റ യുവതിയെ സമീപത്തെ സര്ക്കാര് ആശുപത്രിയിലാണ് ആദ്യം പ്രവേശിപ്പിച്ചത്. വിദഗ്ധ ചികിത്സയ്ക്കായി തിരുനെല്വേലിയിലെ റെയില്വേ ആശുപത്രിയിലേക്ക് മാറ്റി.
തെങ്കാശിയില് നിന്ന് 20 കിലോമീറ്റര് അകലെയാണ് പാവൂര്ഛത്രം. ഒറ്റപ്പെട്ട പ്രദേശമാണിത്. അക്രമിയെ പിടികൂടുന്നതിനുള്ള തെരച്ചില് ആരംഭിച്ചതായി പൊലീസ് പറയുന്നു.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/L67XbjS4vdxJpqM0Dz7ehJ
Post A Comment: