ചെന്നൈ: സാമൂഹിക പ്രതിബദ്ധതയുള്ള അതിശക്തമായ ഉള്ളടക്കം നിലനിർത്തിക്കൊണ്ടുതന്നെ മികച്ച രീതിയിൽ മാസ് ഫോർമാറ്റിൽ ഒരുക്കിയ ചിത്രമാണ് വാത്തി. വിദ്യാഭ്യാസത്തെ കുറിച്ച് പ്രാധാന്യം പുലർത്തിയെഴുതിയ ഡയലോഗുകൾ ചിത്രത്തിന് കൂടുതൽ പ്രാധാന്യം നൽകുന്നുണ്ട്.
ധനുഷിൻ്റെ തന്നെ എക്കാലത്തെയും ജനപ്രിയ ചിത്രമായ വി ഐ പി എന്ന ചിത്രത്തിന് ശേഷം ഇത്തരം ശ്രേണിയിൽ പ്രധാന കഥാപാത്രത്തെ അവതരിപ്പിച്ച ഏറ്റവും മികച്ച ചിത്രം കൂടിയാണ് വാത്തിയെന്ന് അടിവരയിടുന്ന നിലവാരം ചിത്രത്തിലുടനീളം പുലർത്തി.
വെങ്കി അറ്റ്‌ലൂരിയുടെ കരിയറിലെ തന്നെ ഏറ്റവും മികച്ച സംവിധാന മികവ് കാഴ്ചവെച്ച ചിത്രമാണ് സാങ്കേതികപരമായിട്ടാണെങ്കിലും കലാപരമായിട്ടാണെങ്കിലും.
ഒരു മുഴുനീള തെലുങ്ക് സംവിധായകൻ ആയിട്ടുപോലും തമിഴ് ചിത്രങ്ങളുടെ പ്രാദേശികപരമായ സാംസ്കാരിക ശൈലികളുമായി ഇണങ്ങിയാണ് ചിത്രമൊരുക്കിയിരിക്കുന്നത്. സമീപകാലങ്ങളിൽ തമിഴിൽ നിന്ന് തെലുങ്കിലേക്കായാലും തെലുങ്കിൽ നിന്ന് തമിഴിലേക്കായാലും ചിത്രങ്ങൾ ഒരുക്കാൻ ശ്രമിച്ച് ഇത്തരത്തിൽ പാളിയിട്ടുള്ള നിരവധി പ്രമുഖ ചിത്രങ്ങൾക്ക് സംഭവിച്ച യാതൊരുവിധ കൃത്രിമത്വവും ബാധിക്കാതെയാണ് വാത്തി ഒരുക്കിയിരിക്കുന്നത്.
ധനുഷിൻ്റെ സമീപകാലത്തെ ഗംഭീര കരിയർ ഗ്രാഫ് വീണ്ടും ഉയർത്തിപ്പിടിക്കുന്ന ഉജ്ജ്വല പ്രകടനമാണ് ചിത്രത്തിലുടനീളം കാഴ്ച്ചവെച്ചിരിക്കുന്നത്. ഒരേ സമയം മികച്ച നടനായി മിന്നി തിളങ്ങുമ്പോൾ തന്നെ ചിത്രത്തിലെ മാസ് ഘടകങ്ങളെയും പൂർണമായി തൃപ്തിപെടുത്തിയാണ് ധനുഷ് ചിത്രത്തിൽ അഭിനയിച്ചിരിക്കുന്നത്.
മുഖ്യമായും ചടുലമായ ആക്ഷൻ രംഗങ്ങൾ മനോഹരമായി കൈകാര്യം ചെയ്തിരിക്കുന്നു. ജിവി പ്രകാശ് ഒരുക്കിയ ഗാനങ്ങളും പശ്ചാത്തല സംഗീതവും അതിശക്തവും ചിത്രത്തിൻ്റെ ആത്മാവുമായി മാറുന്നു. തെന്നിന്ത്യയിൽ ഇന്ന് വില്ലൻ/ സ്വഭാവ നടൻ ഗണത്തിൽ ഉൾപെടുന്ന വേഷങ്ങൾക്ക് സമുദ്രക്കനിയോളം ശക്തനായ നടനില്ല എന്ന് വീണ്ടും തെളിയിക്കുന്ന മികച്ച പ്രകടനമാണ് ചിത്രത്തിലെ വില്ലൻ കഥാപാത്രം.
മലയാള സിനിമയുടെ സ്വന്തം സംയുക്ത മേനോൻ ഇന്ന് ഒരു സൗത്ത് ഇന്ത്യൻ 'സെൻസേഷൻ' തന്നെ ആയിരിക്കുകയാണ്
എന്ന് തെളിയിക്കുന്ന പ്രകടനമാണ് ഭീംല നായക്കിലെ മികച്ച പ്രകടനത്തിന് ശേഷം വീണ്ടും ഈ ചിത്രത്തിലൂടെ കാഴ്ച്ചവെച്ചിരിക്കുന്നത്.
ചിത്രത്തിലെ വിദ്യാർത്ഥികളായി അഭിനയിച്ച കുട്ടികളുടെ പ്രകടനവും സ്കൂളിലെ ഓരോ രംഗങ്ങളും ഏതൊരു പ്രേക്ഷകൻ്റെയും സ്കൂൾകാല ജീവിതത്തെയും അന്നത്തെ ഓർമ്മകളെയും വീണ്ടും ചിന്തിപ്പിക്കുന്ന വിധം മനോഹരമാണ്. പുതുതലമുറയിലെ വിദ്യാർത്ഥികളായ യുവ പ്രേക്ഷകർ ഉറപ്പായും കണ്ടിരിക്കേണ്ട ഒരു ചിത്രം കൂടിയാണ്.
വാട്‌സാപ്പ് ഗ്രൂപ്പിൽ അംഗമാകുവാൻ
Post A Comment: