കൊച്ചി: വരാപ്പുഴയില് പടക്കം സൂക്ഷിച്ച കെട്ടിടത്തിലുണ്ടായ പൊട്ടിത്തെറിയില് ഒരാള് മരിച്ചു. ഏഴ് പേര്ക്ക് പരിക്ക്. മുട്ടിനകത്താണ് അപകടം സംഭവിച്ചത്.
ലൈസന്സി ജയിസന്റെ ബന്ധു ഡേവിസ് ആണ് മരിച്ചത്. പടക്ക കേന്ദ്രത്തിലെ സഹായി ആയിരുന്നു ജയിസന്. ജെന്സണ്, ഫെഡ്രീന, കെ.ജെ മത്തായി, എസ്തര്, എല്സ, ഇസബെല്, നീരജ എന്നിവര്ക്കാണ് പരിക്കേറ്റത്.
പടക്കം സൂക്ഷിച്ചിരുന്ന കോണ്ക്രീറ്റ് കെട്ടിടം പൂര്ണമായി തകര്ന്നു. ഉഗ്രസ്ഫോടനമാണ് ഉണ്ടായതെന്ന് വ്യക്തമാകുന്ന ദൃശ്യങ്ങളാണ് പുറത്തുവരുന്നത്. സമീപത്തെ കെട്ടിടങ്ങള്ക്ക് അടക്കം കേടുപാടുണ്ട്.
സമീപത്തെ വീടുകളുടെ ജനാലുകള് തകര്ന്നു. വരാപ്പുഴ ഭാഗത്ത് കെട്ടിടങ്ങള്ക്ക് കുലുക്കം, പ്രകമ്പനം എന്നിവയുണ്ടായി. സ്ഫോടനം ഉണ്ടായതിന്റെ രണ്ട് കിലോമീറ്റര് ചുറ്റളവിലാണ് പ്രകമ്പനം ഉണ്ടായത്. അഗ്നിരക്ഷാസേന അടക്കം സംഭവസ്ഥലത്തേക്ക് തിരിച്ചു.
Post A Comment: