പൊളിച്ചടുക്കി ലവ് ആക്ഷൻ ഡ്രാമയിലെ "കുടുക്ക് പാട്ട്"; ടീസർ വൈറൽ

നിവിൻ പോളി-നയൻ‌താര താരജോഡികൾ ഒന്നിക്കുന്ന ലവ് ആക്ഷൻ ഡ്രാമയിലെ ആദ്യ ഗാനത്തിന്‍റെ ടീസർ പുറത്തു വിട്ടു. കുടുക്ക് സോങ് എന്ന പേരിൽ പുറത്തിറങ്ങിയ ഗാനത്തിന് വരികൾ എഴുതിയിരിക്കുന്നത് മനു മഞ്ജിത് ആണ്. സംഗീതം നിർവഹിച്ചിരിക്കുന്നത് ഷാൻ റഹ്മാൻ ആണ്. വിനീത് ശ്രീനിവാസൻ ആണ് ഈ ഗാനം ആലപിച്ചിരിക്കുന്നത്. 

ധ്യാൻ ശ്രീനിവാസൻ ആദ്യമായി സംവിധാനം ചെയുന്ന ചിത്രമാണ് ലവ് ആക്ഷൻ ഡ്രാമ. ഫണ്‍ടാസ്റ്റിക് ഫിലിംസിന്‍റെ ബാനറിൽ അജു വർഗീസും വിശാഖ് സുബ്രമണ്യവും ചേർന്നാണ് ചിത്രം നിർമിക്കുന്നത്.

തളത്തിൽ ദിനേശൻ എന്നാണ് നിവിന്‍റെ കഥാപാത്രത്തിന്‍റെ പേര്. ശോഭയാകുന്നത് നയൻതാരയും. ശ്രീനിവാസൻ, മല്ലിക സുകുമാരൻ, ഉർവശി എന്നിവർക്കൊപ്പം മലർവാടി ആർട്സ് ക്ലബ്ബിന്‍റെ ടീം അംഗങ്ങളായ നിവിൻ പോളി, അജു വർഗീസ്, ഭഗത് മാനുവൽ ഹരികൃഷ്‌ണൻ, ദീപക് പറമ്പൊൾ എന്നിവർ ഒരു ചിത്രത്തിനായി ഒന്നിക്കുന്നു എന്ന പ്രത്യേകതയും ഈ സിനിമയ്ക്ക് ഉണ്ട്. ഒൻപതു വർഷങ്ങൾക്ക് ശേഷമാണു ഈ ടീം വീണ്ടും ഒന്നിക്കുന്നത്. സെപ്റ്റംബർ ആറിന് ചിത്രം തീയേറ്ററുകളിലെത്തും.

ഞങ്ങളുടെ വാട്സാപ്പ് ഗ്രൂപ്പിൽ അംഗമാകാൻ  ലിങ്ക് ക്ലിക്ക് ചെയ്യുമല്ലോ..

https://chat.whatsapp.com/IeYcvZizDl2Bmro5SsP1DB

ഫെയ്സ് ബുക്ക് പേജ് ലൈക്ക് ചെയ്യുവാൻ

https://www.facebook.com/superprimetime/?modal=admin_todo_tour