വേർപിരിഞ്ഞിട്ടും കലാഭവൻ മണിയെന്ന താരത്തെ മലയാളികൾക്ക് മറക്കാനായിട്ടില്ല. സിനിമാ പ്രവർത്തകർ എവിടെ ഒത്തു ചേരുമ്പോഴും കലാഭവൻ മണിയുടെ ഓർമകൾ പങ്കുവയ്ക്കാറുണ്ട്. നർമം കലർന്നവയാണ് ഇതിൽ പലതും. എന്നാൽ കലാഭവൻ ഷാജോൺ ഒരു അഭിമുഖത്തിൽ മണിയെ കുറിച്ച് പറഞ്ഞ വാക്കുകൾ സോഷ്യൽ മീഡിയയിൽ വലിയ ചർച്ചയായിരിക്കുകയാണ്.
പലപ്പോഴും ഇടിച്ചും തല്ലിയുമൊക്കെയാണ് മണിയുടെ സ്നേഹപ്രകടനം. ഏതോ ഒരു സമയത്ത് മണിചേട്ടന് ധര്മജന്റെ കൈപിടിച്ച് തിരിക്കുകയോ മറ്റോ ചെയ്തു. നന്നായി വേദനിച്ച ധര്മജന് മണിച്ചേട്ടനോട് കയര്ത്തു. താനും ധര്മജനൊപ്പം നിന്നതോടെ മണിച്ചേട്ടന് റൂമില് നിന്നിറങ്ങിപ്പോയി. കുറച്ചു നേരം കഴിഞ്ഞ് മിമിക്രി ആര്ടിസ്റ്റ് സുബി വന്നു ചോദിച്ചു, മണി ചേട്ടനുമായി വഴക്കിട്ടോയെന്ന്. ആ കാര്യം ഞങ്ങള് മറന്നിരുന്നു. പിണക്കം മാറ്റാമെന്ന് കരുതി റൂമില് ചെന്നപ്പോള് കണ്ട കാഴ്ച ഞെട്ടിക്കുന്നതായിരുന്നു. ആ മനുഷ്യന് അവിടെയിരുന്ന് കുഞ്ഞുകുട്ടികള് പോലെ കരയുന്നു.
ഞങ്ങള് രണ്ടുപേരെയും മാറി മാറി കെട്ടിപിടിച്ചു കരഞ്ഞു. ‘മണി ചേട്ടന് എന്നും സ്നേഹം നിറഞ്ഞൊരു ഓര്മയാണ്. ഒരിക്കല് മണിചേട്ടന്റെ കൂടെ എനിക്കും ധര്മജനും അമേരിക്കയില് ഷോ ഉണ്ടായിരുന്നു. അന്ന് മണിച്ചേട്ടന്റെ ഒപ്പമുണ്ടായിരുന്ന കൂട്ടങ്ങളൊന്നുമില്ലായിരുന്നു. അതുകൊണ്ട് എന്റെയും ധര്മജന്റെയും കൂടെയായിരുന്നു മണി ചേട്ടന്റെ നടപ്പ് മുഴുവന്. കുളിക്കാന് സ്വന്തം റൂമില് പോകുന്നൊരു സമയമൊഴികെ മുഴുവന് നേരവും ഞങ്ങളുടെ കൂടെ. ഇങ്ങനെ സ്നേഹിക്കുന്ന മനുഷ്യനെ ഞാന് ജീവിതത്തില് വേറെ കണ്ടിട്ടില്ലെന്നും ഷാജോണ് പറയുന്നു.
ഞങ്ങളുടെ വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
https://chat.whatsapp.com/L2USinQQ81H1Nq4VBIiX94
ഫെയ്സ് ബുക്ക് പേജ് ലൈക്ക് ചെയ്യുവാൻ
https://www.facebook.com/superprimetime/?modal=admin_todo_tour
Post A Comment: