ഗുണ്ടുമലയിലെ എട്ട് വയസുകാരി നിരന്തരം പീഡിപ്പിക്കപ്പെട്ടു; ബന്ധുക്കളും നിരീക്ഷണത്തിൽ

മൂ​ന്നാ​ർ: ഗുണ്ടുമലയിൽ എട്ട് വയസുകാരിയുടെ കൊലപാതകം ആസൂത്രിതമാണെന്ന നിഗമനത്തിലേക്ക് പൊലീസ്. നിലവിൽ പ്രദേശവാസികളായ 50ലേറെ പേരെയാണ് പൊലീസ് ചോദ്യം ചെയ്തത്. കഴിഞ്ഞ ദിവസമാണ് പ്രദേശത്തെ ലയത്തിൽ എട്ട് വയസുകാരിയെ കഴുത്തിൽ കയർ കുരുങ്ങി കൊല്ലപ്പെട്ട നിലയിൽ കണ്ടെത്തിയത്. സ്വാഭാവിക മരണമെന്നാണ് ആദ്യം കരുതിയതെങ്കിലും പോസ്റ്റ്മോർട്ടം റിപ്പോർട്ടിൽ പെൺകുട്ടി പീഡിപ്പിക്കപ്പെട്ടെന്ന വിവരം ലഭിച്ചതോടെയാണ് കൊലപാതകത്തിലേക്ക് വിരൽ ചൂണ്ടിയത്. 

അ​ന്വേ​ഷ​ണം ഊ​ർ​ജി​ത​മാ​ക്കു​വാ​ൻ പൊ​ലീ​സ് ഗു​ണ്ടു​മ​ല​യി​ൽ ക്യാ​മ്പ് ഹൗ​സ് തു​ട​ങ്ങി​യി​ട്ടു​ണ്ട്. കു​ട്ടി​യു​ടെ ബ​ന്ധു​ക്ക​ളെ പൊ​ലീ​സ് പ്ര​ത്യേ​ക​മാ​യി നി​രീ​ക്ഷി​ക്കു​ന്നു​ണ്ട്. ഗു​ണ്ടു​മ​ല​യി​ൽ കു​ട്ടി​യെ ഏ​റ്റ​വും അ​ടുത്ത​റി​യു​ന്ന ആ​ളോ ബ​ന്ധു​ക്ക​ളോ കൃ​ത്യം ന​ട​ത്തി​യി​രി​ക്കാ​നു​ള്ള സാ​ധ്യ​ത പൊ​ലീ​സ് ത​ള്ളി​ക്ക​ള​യു​ന്നി​ല്ല.

ഗു​ണ്ടു​മ​ല പോ​ലെ ഒ​റ്റ​പ്പെ​ട്ട പ്ര​ദേ​ശ​ത്ത് പു​റ​ത്തു​നി​ന്ന് ആ​രെ​ങ്കി​ലും ക​ട​ന്നു വ​ന്ന് കൃ​ത്യം ന​ട​ത്തു​ന്ന​ത് അ​ത്ര എ​ളു​പ്പ​മ​ല്ലാ​ത്ത​തി​നാ​ൽ ഗു​ണ്ടു​മ​ല കേ​ന്ദ്രീ​ക​രി​ച്ചു ത​ന്നെ​യാ​ണ് പൊ​ലീ​സ് അ​ന്വേ​ഷ​ണം ന​ട​ത്തി വ​രു​ന്ന​ത്. ഗു​ണ്ടു​മ​ല​യി​ൽ ക്യാ​മ്പ് ഹൗ​സ് ആ​രം​ഭി​ച്ച​തോ​ടെ എ​ത്ര​യും പെ​ട്ടെ​ന്ന് അ​ന്വേ​ഷ​ണം ഊർ​ജി​ത​മാ​ക്കി പ്ര​തി​യെ ക​ണ്ടെ​ത്തു​വാ​നാ​ണ് പൊലീ​സ് ശ്ര​മം.

കു​ട്ടി മുമ്പ് പീ​ഡ​ന​ത്തി​നി​ര​യാ​യി​ട്ടു​ണ്ട് എ​ന്ന പോ​സ്റ്റ്മോ​ർ​ട്ടം റി​പ്പോ​ർ​ട്ട് വ​ള​രെ നി​ർ​ണാ​യ​ക​മാ​യി. കൃ​ത്യം ന​ട​ന്ന​തി​നു ശേ​ഷം ജി​ല്ലാ പൊ​ലീ​സ് മേ​ധാ​വി നാ​രാ​യ​ണ​ൻ സ്ഥ​ലം സ​ന്ദ​ർ​ശി​ച്ചി​രു​ന്നു. തു​ട​ർ​ന്നാ​യി​രു​ന്നു പ്ര​ത്യേ​ക അ​ന്വേ​ഷ​ണ സം​ഘ​ത്തെ നി​യോ​ഗി​ച്ച​ത്. ഇ​ന്ന​ലെ ഫോ​റ​ൻ​സി​ക് വി​ദ​ഗ്ധരെ​ത്തി തെ​ളി​വു​ക​ൾ ശേ​ഖ​രി​ച്ചു. നാ​ട്ടു​കാ​രാ​യ നി​ര​വ​ധി പേ​രെ പൊ​ലീ​സ് ചോ​ദ്യം ചെ​യ്തു. ഗു​ണ്ടു​മ​ല എ​സ്റ്റേ​റ്റ് അ​പ്പ​ർ ഡി​വി​ഷ​നി​ലു​ള്ള എ​സ്റ്റേ​റ്റ് ല​യ​ത്തി​ലെ വീ​ട്ടി​ൽ തി​ങ്ക​ളാ​ഴ്ച ഉ​ച്ച​ക​ഴി​ഞ്ഞ് മൂ​ന്നു മ​ണി​യോ​ടെ​യാ​ണ് കു​ട്ടി​യെ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. മു​റി​ക്കു​ള്ളി​ലെ ക​ട്ടി​ലി​ലാ​ണ് ക​ഴു​ത്തി​ൽ കു​രു​ക്ക് മു​റു​കി​യ നി​ല​യി​ൽ ക​ണ്ടെ​ത്തി​യ​ത്.

സം​ഭ​വ സ​മ​യ​ത്ത് ഒ​പ്പ​മു​ണ്ടാ​യി​രു​ന്നു മു​ത്ത​ശ്ശി അ​ടു​ത്ത വീ​ട്ടി​ലാ​യി​രു​ന്നു. വീ​ട്ടി​ൽ ത​നി​ച്ചാ​യി​രു​ന്ന കു​ട്ടി​യെ മ​ട​ങ്ങി വ​ന്ന് അ​ന്വേ​ഷി​ക്കു​ന്ന വേ​ള​യി​ലാ​ണ് കു​ട്ടി​യെ ക​ട്ടി​ലി​ൽ കി​ട​ക്കു​ന്ന സ്ഥി​തി​യി​ൽ ക​ണ്ടെ​ത്തി​യ​ത്. ഏ​റെ നേ​രം വി​ളി​ച്ചി​ട്ടും അ​ന​ക്ക​മി​ല്ലാ​തെ വ​ന്ന​തോ​ടെ അ​യ​ൽ​പ​ക്ക​ത്തെ ബ​ന്ധു​വി​നെ സ​ഹാ​യ​ത്തി​ന് വി​ളി​ക്കു​ക​യാ​യി​രു​ന്നു.

ഇ​ദ്ദേ​ഹം വ​ന്ന നോ​ക്കു​ന്ന വേ​ള​യി​ലാ​ണ് ക​ഴു​ത്തി​ൽ കു​രു​ക്കു​ള്ള​താ​യി ക​ണ്ടെ​ത്തി​യ​ത്. തു​ട​ർ​ന്ന് പൊലീ​സി​നെ വി​വ​രം അ​റി​യി​ക്കു​ക​യാ​യി​രു​ന്നു. കു​ട്ടി ഉൗ​ഞ്ഞാ​ലി​ൽ ആ​ടു​ന്ന​തി​നി​ടെ ക​യ​ർ ക​ഴു​ത്തി​ൽ കു​രു​ങ്ങി മ​രി​ച്ച​തെ​ന്നാ​യി​രു​ന്നു ബ​ന്ധു​ക്ക​ൾ അ​റി​യി​ച്ച​ത്. എ​ന്നാ​ൽ പൊ​ലീ​സ് ന​ട​ത്തി​യ പ്രാ​ഥ​മി​ക അ​ന്വേ​ഷ​ണ​ത്തി​ൽ കു​ട്ടി​യു​ടെ മ​ര​ണ​ത്തി​ൽ അ​സ്വ​ഭാ​വി​ക​ത​യു​ള്ള​താ​യി സം​ശ​യ​മു​ണ​ർ​ന്നി​രു​ന്നു.

തു​ട​ർ​ന്ന് മൃ​ത​ദേ​ഹം പോ​സ്റ്റ്മോ​ർ​ട്ട​ത്തി​നാ​യി കോ​ട്ട​യ​ത്തേ​യ്ക്ക് കൊ​ണ്ടു​പോ​യി. പോ​സ്റ്റ്മോ​ർ​ട്ടം റി​പ്പോ​ർ​ട്ടി​ലാ​ണ് കൊ​ല​പാ​ത​ക​ത്തെ​ക്കു​റി​ച്ചു​ള്ള നി​ർ​ണാ​യ​ക​മാ​യ വി​വ​ര​ങ്ങ​ൾ ല​ഭി​ച്ച​ത്. അ​ടു​ത്ത​ടു​ത്താ​യി ല​യ​ങ്ങ​ളും വീ​ടു​ക​ളു​മു​ള്ള വീ​ട്ടി​ലാ​ണ് കു​ട്ടി താ​മ​സി​ച്ചി​രു​ന്ന​ത്. പു​റ​മേ നി​ന്ന് ആ​രു ക​ട​ന്നു വ​ന്നാ​ലും പെ​ട്ടെ​ന്ന് തി​രി​ച്ച​റി​യാ​നാ​കു​ന്ന പ​ശ്ചാ​ത്ത​ല​മു​ള്ള​തി​നാ​ൽ സാ​ഹ​ച​ര്യ​ങ്ങ​ളും സ​ന്ദ​ർ​ഭ​വു​മെ​ല്ലാം പ​രി​ചി​ത​മാ​യ വ്യ​ക്തി സം​ഭ​വ​ത്തി​ന് പി​ന്നി​ലു​ണ്ടാ​കാ​നു​ള്ള സാ​ധ്യ​ത പൊലീ​സ് ത​ള്ളി​ക്ക​ള​യു​ന്നി​ല്ല.

ഞങ്ങളുടെ വാട്സാപ്പ് ഗ്രൂപ്പിൽ അംഗമാകാൻ  ലിങ്ക് ക്ലിക്ക് ചെയ്യുമല്ലോ..
https://chat.whatsapp.com/L2USinQQ81H1Nq4VBIiX94

‌ഫെയ്സ് ബുക്ക് പേജ് ലൈക്ക് ചെയ്യുവാൻ
https://www.facebook.com/superprimetime/?modal=admin_todo_tour