അഞ്ചാം ക്ലാസ് വിദ്യാർഥിയെ അധ്യാപകരുടെ ശുചിമുറിയിൽ മരിച്ച നിലയിൽ കണ്ടെത്തി. പടിഞ്ഞാറന്‍ ബീഹാറിലെ കൈമൂര്‍ ജില്ലയിലാണ് സംഭവം. കുദ്രയിലെ സ്വകാര്യ സ്‌കൂളിലെ വിദ്യാര്‍ത്ഥിയാണ് മരിച്ചത്. സ്‌കൂള്‍ കെട്ടിടത്തിന്‍റെ രണ്ടാം നിലയിലെ ബാത്ത്‌റൂമില്‍ കഴുത്തില്‍ വയര്‍ കുരുക്കിയ നിലയിലാണ് വിദ്യാർഥിയുടെ മൃതദേഹം കണ്ടെത്തിയത്. ബാത്ത്‌റൂമിന്‍റെ വാതില്‍ പുറത്ത് നിന്ന് പൂട്ടിയിരുന്നു.
അവശനിലയില്‍ കണ്ടെത്തിയ കുട്ടിയെ ആശുപത്രിയില്‍ എത്തിച്ചുവെങ്കിലും മരണം സംഭവിച്ചിരുന്നു. തൂങ്ങി മരണമെന്നാണ് പൊലീസിന്‍റെ പ്രാഥമിക നിഗമനം. എന്നാല്‍ കഴുത്തില്‍ കയര്‍ കുരുക്കി കൊലപ്പെടുത്തിയിരിക്കാമെന്ന സാധ്യതയും പൊലീസ് അന്വേഷിക്കുന്നുണ്ട്. ഇന്നലെയാണ് കുട്ടിയുടെ മൃതദേഹം കണ്ടെത്തിയത്. പോസ്റ്റ്‌മോര്‍ട്ടം നടത്തിയ മെഡിക്കല്‍ ബോര്‍ഡും ഫോറന്‍സിക് വിഭാഗവും ഇന്ന് സ്‌കൂളിലെത്തി പരിശോധന നടത്തും. കുട്ടിയുടെ അമ്മയും ഇതേ സ്‌കൂളില്‍ അധ്യാപികയാണ്. എന്നാല്‍ തീജ് ഫെസ്റ്റിവലിനോട് അനുബന്ധിച്ച് തിങ്കളാഴ്ച ലീവിലായിരുന്നു.
ഞങ്ങളുടെ വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
https://chat.whatsapp.com/L2USinQQ81H1Nq4VBIiX94
ഫെയ്സ് ബുക്ക് പേജ് ലൈക്ക് ചെയ്യുവാൻ
https://www.facebook.com/superprimetime/?modal=admin_todo_tour
Post A Comment: