പാടത്ത് പണിയെടുത്തുകൊണ്ടിരിക്കെ കർഷകനെ ഭാര്യയുടെ മുന്നിൽ കൊലപ്പെടുത്തിയ സംഘം മൃതദേഹം കെട്ടിത്തൂക്കി. സിയാശരൻ യാദവ് (40) ആണ് കൊല്ലപ്പെട്ടത്. ഭാര്യ സോണി ദേവി കണ്ടുകൊണ്ടിരിക്കെയായിരുന്നു ക്രൂരമായ കൊലപാതകം. ഗയ ജില്ലയിലെ സിക്കന്ദർപൂരിലാണു സംഭവം. ആറു പേരാണ് അക്രമി സംഘത്തിലുണ്ടായിരുന്നത്.
പാടത്തു പണിയെടുക്കുന്നതിനിടെ എത്തിയ അക്രമി സംഗം മർദിച്ച ശേഷം കർഷകനെ തുണി ഉപയോഗിച്ചു കെട്ടിത്തൂക്കുകയായിരുന്നു. ഭർത്താവിനെ മർദിക്കുന്നതു തടയാൻ സോണി ദേവി ശ്രമിച്ചെങ്കിലും ഫലമുണ്ടായില്ല. ഇവർ നിലവിളിച്ചെങ്കിലും ആരും എതിർക്കാൻ എത്തിയില്ല. അക്രമി സംഘത്തിന്റെ മർദനം ഏൽക്കുക കൂടിയായതോടെ ഭർത്താവിനെ കൊല്ലുന്നതു സോണിക്കു കണ്ടുനിൽക്കേണ്ടിവന്നു.
ഭാര്യയുടെ പരാതിയുടെ അടിസ്ഥാനത്തിൽ കേസ് രജിസ്റ്റർ ചെയ്തതായി പോലീസ് അറിയിച്ചു. ഇവർക്ക് സമീപത്തെ കുടുംബവുമായി വർഷങ്ങളായി ശത്രുതയുണ്ടായിരുന്നെന്നും ഇതു കൊലയ്ക്കു കാരണമായോ എന്നു പരിശോധിക്കുമെന്നും പൊലീസ് പറഞ്ഞു. പ്രതികൾക്കായി പോലീസ് തെരച്ചിൽ നടത്തുന്നു.
ഞങ്ങളുടെ വാട്സാപ്പ് ഗ്രൂപ്പിൽ അംഗമാകാൻ ലിങ്ക് ക്ലിക്ക് ചെയ്യുമല്ലോ..
https://chat.whatsapp.com/L2USinQQ81H1Nq4VBIiX94
ഫെയ്സ് ബുക്ക് പേജ് ലൈക്ക് ചെയ്യുവാൻ
https://www.facebook.com/superprimetime/?modal=admin_todo_tour
Post A Comment: