ന്യൂഡൽഹി: പ്രായപൂർത്തിയാകാത്ത ആൺകുട്ടിയെ പ്രകൃതി വിരുദ്ധമായി പീഡിപ്പിച്ച കബഡി പരിശീലകൻ അറസ്റ്റിൽ. ഡൽഹി രോഹിണി ജില്ലയിലെ ഗ്രാമത്തിലാണ് സംഭവം നടന്നത്. കബഡി പരിശീലന കേന്ദ്രത്തിൽവച്ചാണ് പീഡനം നടന്നത്.
പ്രായപൂര്ത്തിയാകാത്ത ആണ്കുട്ടിയെ കബഡി പരിശീലകന് പലതവണ ലൈംഗികമായി പീഡിപ്പിച്ചതായാണ് പരാതി. കഴിഞ്ഞ ദിവസമാണ് കുട്ടിയുടെ രക്ഷിതാക്കള് പൊലീസില് പരാതി നല്കിയത്.
കുട്ടിയുടെ പെരുമാറ്റത്തില് അസ്വഭാവികത തോന്നിയ രക്ഷിതാക്കള് കാര്യം അന്വേഷിച്ചപ്പോഴാണ് പീഡനവിവരം പുറത്തറിയുന്നത്. ലൈംഗിക ചൂഷണം പുറത്ത് പറയരുതെന്ന് കബഡി പരിശീലകന് കുട്ടിയെ ഭീഷണിപ്പെടുത്തിയിരുന്നതായി പരാതിയില് പറയുന്നു. കുട്ടിയുടെ വെളിപ്പെടുത്തലിന് പിന്നാലെയാണ് രക്ഷിതാക്കള് പരാതിയുമായി പൊലീസിനെ സമീപിച്ചത്.
പ്രാഥമിക അന്വേഷണത്തില് പ്രതി കുറ്റക്കാരനാണെന്ന് കണ്ടെത്തിയിട്ടുണ്ടെന്ന് പൊലീസ് പറഞ്ഞു. ഇതോടെ പോക്സോ വകുപ്പുള്പ്പടെ ചുമത്തി പരിശീലകനെ പൊലീസ് അറസ്റ്റ് ചെയ്യുകയായിരുന്നു.
ഇയാള് കബഡി പരിശീലന കേന്ദ്രത്തിലെ മറ്റ് കുട്ടികളെ ലൈംഗിക ചൂഷണത്തിന് ഇരയാക്കിയിട്ടുണ്ടോ എന്ന് പരിശോധിക്കുമെന്ന് പൊലീസ് വ്യക്തമാക്കി. പീഡനത്തിനിരയായ ആണ്കുട്ടിയെ വൈദ്യപരിശോധനയ്ക്കും മൊഴിയെടുക്കലിനും ശേഷം ബന്ധുക്കള്ക്കൊപ്പം വിട്ടു. അതേ സമയം കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/LwxQCnE4tEd45HaJUZ6lxl
വീണ്ടും കോവിഡ് ഭീതി; പ്രധാന മന്ത്രി ഉന്നതതല യോഗം വിളിച്ചു
ന്യൂഡൽഹി: ചൈനയിൽ കോവിഡ് വ്യാപനത്തിനു കാരണമായ ബിഎഫ് സെവന് ഉപവകഭേദം ഇന്ത്യയിലും സ്ഥിരീകരിച്ച സാഹചര്യത്തില് രാജ്യത്ത് ജാഗ്രത ശക്തമാക്കി. ഇന്ന് പ്രധാനമന്ത്രി ഉന്നതതല യോഗം വിളിച്ചിട്ടുണ്ട്.
വിദേശ രാജ്യങ്ങളില് കൊവിഡ് പടരുന്ന സാഹചര്യത്തില് മുന് കരുതല് നടപടികള് ഊര്ജിതമായി നടത്തണമെന്ന് കേന്ദ്രം സംസ്ഥാനങ്ങള്ക്ക് നിര്ദ്ദേശം നല്കിയിട്ടുണ്ട്. തൽക്കാലം കൂടുതല് നിയന്ത്രണങ്ങള് രാജ്യത്ത് ഏര്പ്പെടുത്തിയിട്ടില്ല. പുതിയ വകഭേദം സ്ഥിരീകരിച്ച സാഹചര്യത്തില് വിമാനത്താവളങ്ങളില് റാന്ഡം പരിശോധന തുടങ്ങി.
എന്നാല് രാജ്യാന്തര യാത്രയ്ക്കുള്ള എയര് സുവിധ ഫോം തൽക്കാലം തിരിച്ചു കൊണ്ടു വരില്ല. വിമാനത്താവളങ്ങളിലെ പരിശോധന ഫലം ആദ്യം വിലയിരുത്തും. ഉത്സവസമയങ്ങളില് ജാഗ്രതയ്ക്ക് വീണ്ടും നിര്ദേശം നല്കും.
കൊവിഡ് വ്യാപനത്തിന്റെ പശ്ചാത്തലത്തില് സംസ്ഥാനവും ജാഗ്രതയിലാണ്. ആശങ്ക വേണ്ടെങ്കിലും രോഗം ബാധിക്കാതിരിക്കാന് എല്ലാവരും ശ്രദ്ധിക്കണമെന്നാണ് നിര്ദേശം. ഇന്നലെ ആരോഗ്യ മന്ത്രിയുടെ നേതൃത്വത്തില് സ്റ്റേറ്റ് റാപ്പിഡ് റെസ്പോണ്സ് ടീം യോഗം ചേര്ന്നിരുന്നു.
എല്ലാ ജില്ലകളും പ്രതിരോധ പ്രവര്ത്തനങ്ങളും നിരീക്ഷണവും ശക്തമാക്കാനും നിര്ദേശം നല്കിയിട്ടുണ്ട്. പുതിയ കൊവിഡ് വകഭേദത്തിന് വ്യാപന ശേഷി കൂടുതലായതിനാല് ജാഗ്രത പുലര്ത്തണം എന്നാണ് നിര്ദേശം.
Post A Comment: