ചെന്നൈ: നാല് മക്കളെയും ഭാര്യയെയും വെട്ടിക്കൊലപ്പെടുത്തിയ ശേഷം ഗൃഹനാഥൻ ജീവനൊടുക്കി. തമിഴ്നാട്ടിലെ തിരുവണ്ണാമലയിലാണ് സംഭവം നടന്നത്. മോട്ടൂര് വില്ലേജിലെ താമസക്കാരനായ കൂലിപ്പണിക്കാരനായ പളനി (40), ഭാര്യ വള്ളി (37), മക്കളായ തൃഷ, മോനിഷ, മഹാലക്ഷ്മി, മകന് ശിവശക്തി എന്നിവരെയാണ് മരിച്ച നിലയില് കണ്ടെത്തിയത്. തൂങ്ങിമരിച്ച നിലയിലാണ് പളനിയെ കണ്ടെത്തിയത്.
മറ്റൊരു മകള് ഭൂമികയുടെ നില ഗുരുതരമാണ്. രാവിലെ വീട്ടില് നിന്ന് ആരും പുറത്തിറങ്ങാത്തതിനെ തുടര്ന്ന് സംശയം തോന്നിയ അയല്വാസികള് എത്തി പരിശോധിച്ചപ്പോഴാണ് സംഭവം പുറത്തറിഞ്ഞത്.
ആറ് മൃതദേഹങ്ങളും പുറത്തെടുത്ത് പോസ്റ്റ്മോര്ട്ടത്തിന് അയച്ചു. കുടുംബ പ്രശ്നങ്ങളെ തുടര്ന്നാകാം കൊലപാതകമെന്നാണ് പ്രാഥമിക നിഗമനം. കൊലപാതകത്തിന് പിന്നില് മറ്റെന്തെങ്കിലും കാരണങ്ങളുണ്ടോയെന്നും അന്വേഷിക്കുന്നു.
വാട്സാപ്പ് ഗ്രൂപ്പിൽ അംഗമാകുവാൻ
https://chat.whatsapp.com/KWLtWQAGGzp99r8iD7Hl6T
മുല്ലപ്പെരിയാർ അണക്കെട്ടിൽ ജലനിരപ്പ് 141 അടി പിന്നിട്ടു
ഇടുക്കി: രാത്രിയിലും മഴ തുടർന്നതോടെ മുല്ലപ്പെരിയാർ അണക്കെട്ടിലെ ജലനിരപ്പ് 141 അടി പിന്നിട്ടു. ഇതോടെ തമിഴ്നാട് രണ്ടാമത്തെ ജാഗ്രതാ നിർദേശം നൽകി. ജലനിരപ്പ് 142 അടിയിലെത്തിയാൽ സ്പിൽവെ ഷട്ടറുകൾ തുറന്ന് ജലം ഇടുക്കി അണക്കെട്ടിലേക്ക് ഒഴുക്കി വിടും.
രാവിലെ ഒൻപതിന് 141.10 അടിയാണ് അണക്കെട്ടിലെ ജലനിരപ്പ്. ഡിസംബർ മൂന്നിനാണ് ജലനിരപ്പ് 140 അടി ആയത്.മഴയും തമിഴ്നാട് കൊണ്ടുപോകുന്ന വെള്ളത്തിന്റെ അളവ് കുറച്ചതുമാണ് ജലനിരപ്പ് ഉയരാൻ കാരണം.
നിലവിൽ സെക്കന്റിൽ 511 ഘനയടി വെള്ളം മാത്രമാണ് തമിഴ്നാട് കൊണ്ടു പോകുന്നത്. പരമാവധി സംഭരണ ശേഷിയായ 142 അടി വെള്ളം മുല്ലപ്പെരിയാറിൽ സംഭരിക്കാം. ജലനിരപ്പ് ഉയർന്നതിനാൽ കൂടുതൽ വെള്ളം തമിഴ്നാട്ടിലേക്ക് കൊണ്ടു പോകണമെന്ന് സംസ്ഥാനം ആവശ്യപ്പെട്ടിട്ടുണ്ട്.
Post A Comment: